胡定欣問「需要婚姻嗎?」,幾次錯愛到打不死嘅鋼條身型!

小眼睛看大娛樂 於 02/04/2019 發表 收藏文章
「視后」胡定欣尋晚喺社交平台上發文,佢企喺摩天輪下同父母開心自拍,慶祝Daddy、Mammy 結婚39周年快樂!而成個post 最重點嘅地方就係定欣少有地提及自己對愛情嘅睇法。定欣先問到婚姻嘅定義、包含嘅內容,更寫上:「我需要一段婚姻嗎?」


定欣2001年嘅時候經TVB第3屆CoverGirl 選舉而入行,參與過大大小小唔同嘅劇集、演出,歷年都有唔少令人印象深刻嘅角色,好似早期《大唐雙龍傳》中飾演妖女「婠婠」、《銀樓金粉》四太太。2008年奪得TVB萬千星輝頒獎典禮嘅飛躍進步女藝員,經過8年時間洗禮後,2016年劇集《城寨英雄》中「刁蘭」一角初嚐視后滋味!

演藝事業上可以話係成績十分亮麗,但佢喺感情路上就仍然未有著落,仲被唔少人稱為「TVB黃金盛女」!會唔會係因為佢事業太過強而無男士埋身,定係因為佢呢副鋼條身型嘅氣場太勁?

想當年未變「打女」嘅定欣都有4位公開嘅男朋友:吳浩康 、馬國明、沈柏淳、陳明道,以下呢2段就最為人熟悉!

吳浩康

1999年參加歌唱比賽認識吳浩康,吳浩康惹上藏毒及打架兩單官非時,定欣仍然喺身邊扶持。拍拖大約2年後而和平分手,當時就有指莊思敏係介入呢段情嘅第三者,但事後已經遭吳浩康否認。其後又爆出莊思敏喺將軍澳電視廣播城升降機、餐廳內遇到胡定欣,而被佢出言指罵,但胡定欣就回應指對方「博見報」。



馬國明

2012年時,馬國明喺分手過後,先公開證實曾經同胡定欣拍拖約兩年。二人經節目《舞動奇迹2》而變得熟落,可惜最後都係因為性格不合而分手,又強調二人當中無出現過第三者。直到上年,二人都有喺《宮心計2深宮計》合作,仲有唔少對手戲。


到近呢幾年,胡定欣加入左一眾TVB藝人組成嘅Crazy Runner 跑步隊,又練出一身鋼條身型,經常喺社交平台上大曬健身成果,都有網民表示「得返排骨」、「佢操到營養不良咁款」......


成副打得死人嘅身型,會唔會真係無男仔敢埋身?

Ref: Instagram、On.cc東網

如果喜歡我們的文章,請即分享到︰

標籤: 胡定欣  TVB  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→