羅家英大爆喺TVB抽中20幾萬洗頭水,"有心玩我嘅!"

小眼睛看大娛樂 於 07/05/2019 發表 收藏文章
Viu TV 節目《友枱VIP》每一集都會邀請到唔同圈中人「邊煮邊食邊講」,當中短短6集,已經有4集嘉賓係同「友台」TVB曾經有合作,先有 陶大宇、郭政鴻,又有謝天華,再有方力申、錢國偉,分別都同大家拆解好多TVB趣聞、軼事呢!

到第4集嘉賓「家英哥」羅家英,主持人就問到佢做過唔少遊戲節目嘅嘉賓,家英哥就直接話自己以前鐘意,但依家就一般。原因就係節目嘅獎品數目愈來愈少,但佢都有透露自己得過最大份嘅禮物係10幾萬嘅名車,但最後都要補錢去換旅行車。

主持人周家蔚再問「最好笑」嘅禮物係咩呢?家英哥就話當時可以隨便抽一份獎品,誰不知一抽就係洗頭水,家英哥仲發現其實全部都係洗頭口水,結果當時已經「光頭」嘅家英哥只好拎20幾萬洗頭水返屋企喇!


小編睇完呢一集後,都好明白家英哥嘅「慘況」,因為曾經做過電視台嘅節目現場觀眾,得過一堆老人保健藥品,同樣係得物而無所用。另外,成日都話TVB嘅綜藝節目質素、爆笑程度「走下坡」,但原來比較好笑嘅位竟然唔係內容,而係延伸嘅枝節,先有洪天明中二萬件花之戀壽司,依家又有家英哥中20幾萬洗頭水......

Ref: ViuTV

如果喜歡我們的文章,請即分享到︰

標籤: ViuTV  羅家英  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→