【神之阿壯】《愛回家》無「馬壯」 都有另一個「阿壯」 安仔傻強都係靠曬佢!

小眼睛看大娛樂 於 24/01/2019 發表 收藏文章
《愛回家》系列當中,最為人熟悉、喜愛嘅應該都要數到「最接近神嘅男人」馬壯(黎諾懿 飾 )。

嚟到依家晚晚陪住大家嘅《愛回家之開心速遞》就已經再無「神之馬壯」,但就有一個同樣叫「阿壯」(焦浩軒 飾)嘅角色(全名:艾頓壯)。



小編一直都有關注《愛回家》呢段大學主線,對於阿壯呢個大學生角色,覺得佢同一般街上所見到嘅大學生無咩分別,只係最記得佢一出場都換女朋友,換到唔知邊個打邊個。加上,佢同劇中另外3個好兄弟(傻強、金城安、朱凌凌)相比,又無傻強咁傻仔,又無金城安咁蠢,更加無朱凌凌咁靚仔......咁小編都實在搵唔到咩形容詞畀「阿壯」!


但去到尋晚播出嘅第500集《安凌強壯株式會社》當中,小編就可以就終於搵到個「神」字畀佢!阿壯簡直係做兄弟嘅「神隊友」!

阿壯趁就畢業,計劃開一間叫做「安凌強壯株式會社」嘅公司,方便用嚟申請產品設計專利。用四兄弟嘅名去命名,唔單止係因為四兄弟一條心,最重要嘅係佢係為左兄弟嘅將來前途所著想,仲覺得辛苦少少都無咩所謂,咁抵得諗,仲唔係叫做「神之阿壯」?






佢仲為左幫兄弟,願意為學校嘅同學做腳底按摩(即使係有錢收~~)



小編表示都想要「神之阿壯」啊!

Ref: TVB、instagram


如果喜歡我們的文章,請即分享到︰

標籤: 愛回家  開心速遞  TVB  劇集  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→