【矮人福音】C君年內結婚 祖藍執導演筒 矮細藝人豬年有著數?

小眼睛看大娛樂 於 04/02/2019 發表 收藏文章
「你的身高如何,你的運程也必如何!」、「人矮自然好運多」......

突然講起呢幾句,係因為近日組合農夫成員C君宣佈向拍拖4年嘅DJ女朋友黃天頤會係今年內結婚,做豬新郎、豬新娘,真係豬年嘅第一件大喜事!



兩位身型都細細粒粒,唔通真係應驗咗歌手JW曾經喺Instgram 上post過嘅一段說話:

JW:「我今年行運啦!!😂😂😂😂
#今年所有矮人行運了!」


今年所有矮人行運了???

但依家仲係送狗迎豬嘅時間,又未真正踏入豬年嘅一刻,除咗C君同黃天頤外,已經有另外一位身型比較矮細嘅藝人喜事重重,就係王祖藍喇!祖藍剛剛迎接囡囡出世,而且執導嘅賀歲片《你咪理,我愛你!》又上映,兩個結晶品同時同佢迎接豬年,仲唔係應驗咗「矮人有運行」呢一句說話!



有運行嘅就有佢地,但有一位矮細嘅前輩級藝人就比較唔好彩,上年認真無運行喇!

就係「獎門人」曾志偉!

佢2018年被TVB封殺,個個大Show都「無影」,連最應該座陣嘅港姐競選,佢都一樣無份!少咗係TVB出現都唔緊要,地球係圓嘅,打開電視都總有機會見到佢!但去到2018年年尾,佢同女伴去北海道小樽自駕遊嘅時候,遇上交通意外,同迎面嘅對頭車相撞,對頭車上仲要有警務處刑事及保安處處長李志恒等等。當時志偉哥仲被懷疑醉駕,要發聲明澄清自己係安全情況下駕駛,實在禍不單行啊!


從以上幾個例子,已經輕輕地證明「矮人有運行」呢家野真係寧可信其有,不可信其無嫁!

唔知以下呢幾個細粒藝人係豬年會唔會有好運行,事業有無望再上一層樓呢?

糖妹

小儀

陳柏宇


鄺潔楹


小編一向都對於什麼什麼各大運程預測都係一笑置之,中中地嘅咪聽多幾句,唔中嘅都係聽完就算,係唔係?即使細個有幻想過可以坐時光機去改變自己嘅命運,但做人都係唔好FF太多,面對現實喇香港人!

如果喜歡我們的文章,請即分享到︰

標籤: C君  王祖藍  曾志偉  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→