盧覓雪發文指自己畀"杜汶澤拖糧",用"復仇者"講兩敗俱傷!

小眼睛看大娛樂 於 08/05/2019 發表 收藏文章
早前杜汶澤拖程美段糧一事,先後有各方回應,直到最後杜汶澤喺網台節目中向程美段道歉,了結事件!喺早幾日,聲稱自己都係「苦主大聯盟」一員嘅盧覓雪(Michelle)就喺個人社交平台上發文,詳細交代自己「二月份嘅糧表面上都拖咗兩個月」,文中提及係「3月13開票,3月18入票,4月28通知」,估計啊澤係因為程美段先記得起自己!

除咗講到自己都有份被「拖糧」,Michelle 喺帖文內強調自己同啊澤、節目組係存在信任,即使最初都有「問」過幾時有糧出,但都係覺得大家合作間係好需要存在信任!

最後仲提起《復仇者聯盟》,講「所謂正邪雙方都沒有人可以獨善其身,兩敗俱傷!」

loading


有網民就喺留言下話雪雪講出一番智者之言......但睇完就有一個疑問,就係雪雪點解唔去追糧呢?但同時又喺佢呢一位「苦主」身上,反思出追糧係應該用合理嘅方法......(糧,就點都要追!)

Ref: 盧覓雪Facebook
標籤: 盧覓雪  杜汶澤  追糧  

留言


請按此登錄後留言。未成為會員? 立即註冊
    快捷鍵:←
    快捷鍵:→