男團Mirror可能有勁敵?盤點TVB上位吸睛小鮮肉

小眼睛看大娛樂 於 07/01/2019 發表 收藏文章
尋日TVB、Viu TV分別派出旗下藝員出席 《公益金50周年百萬行》,可以稱得上「大曬冷」。TVB今年由「太平公主」陳煒領軍,睇落都好似好吸睛丫!但公主嘅氣勢又點及Viu TV 男團Mirror ,一眾囝囝成功引得一眾妹妹仔We嘩鬼叫。連樂小姐都心思思話想打造一隊TVB 自家製男團(不禁回想起N年前嘅奧運6星)!


唔知以下嘅上位小鮮肉、男神有無機會成功組隊呢?

1. 胡鴻鈞(Hubert)

出身自TVB自家製音樂節目《超級巨聲2》嘅Hubert,近日係《救妻同學會》擔正做男一,又開完第一個個人音樂會,唱得又有演技,近年都參與唔少綜藝節目,完全地入曬屋。只係呢份唱功同親和力,相信已經吸到唔少Fans~

2. 黃庭鋒(Telford)

同樣來自《救妻同學會》嘅黃庭鋒,先唔講佢嘅演技,但佢有陽光嘅笑容同埋官仔骨骨,絕對可以有資格化身男團嘅「門面擔當」呢!唔講唔知,黃庭鋒入行前仲做過國際學校任職體育老師,仲剛剛完成中文大學修讀體育文學碩士課程。內外都有齊,男神力level-up!

3. 張彥博(啊博)

細細粒嘅張彥博擁有超級童顏,唔知仲以為佢20幾歲。近呢一兩年出演《跳躍生命線》雄姐、《一屋老友記》細寶成功彈起!仲被人記起佢曾經係赤子嘅成員,上年12月仲喺九展開左首個演唱會,又彈又唱,反應都唔錯嫁!



4. 伍富橋(Alvin)

講起伍富橋,心水清嘅觀眾會記得佢係《超級巨聲4》嘅參賽者。比賽完後,仲成功被羅致於星夢娛樂,17年推出首次個人單曲《我怎會如此》,但反應平平,相信遲下唱下劇集洗腦歌,就會有更多人識嫁喇!




5. 丁子朗(丁丁)

今年只有21歲嘅丁子朗,絕對係近年TVB一大小鮮肉。參選港男入行嘅丁丁,近呢一兩年都好大方咁show出一副fit爆嘅body!節目中嘅浸溫泉相仲引發起一場Cap圖潮!



各大男神IG:

胡鴻鈞

黃庭鋒

張彥博
伍富橋

丁子朗


如果喜歡我們的文章,請即分享到︰

標籤: 胡鴻鈞  黃庭鋒  張彥博  伍富橋  丁子朗  TVB  Mirror  姜濤  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→