王梓軒無厘頭數學題,千嬅笑爆、啊姐"黑人問號"!

小眼睛看大娛樂 於 29/04/2019 發表 收藏文章
喺尋晚TVB嘅節目《娛樂大家》中,王梓軒(Johnathan)就成功「搶曬鏡」!皆因王梓軒繼2015年喺J2節目《Big Boys Club》施展神級運算神功,(當時李逸朗指每日搵得一百蚊,王梓軒表示:「嘩你百幾蚊一日,吓,一個月都有30000幾蚊喎」)再次「神算王」上身!

如果有睇過《娛樂大家》嘅觀眾,相信會對「Cheat Chat」環節唔會感到陌生,遊戲玩法就係嘉賓唔可以講出貼喺頭飾上嘅字句,喺過程中,大家都會互相「攻擊」,以令對方可以講出「禁語」呢!

今集王梓軒就唔可以「計啱數」,「啊姐」汪明荃問王梓軒:「你樣樣野都計過曬,全部都計啱曬?」王梓軒先語無倫次:「平時上網四買野,有D野會幫我去咩......」大家都話咩啊,然後戴祖儀就話:「梓軒計數好叻」然後就表示要同王梓軒一齊背乘數表......

話口未完,王梓軒就出另一條題目,「我喺網上買野,一條裙幾錢?」

王梓軒:「1 2 3 !300蚊」(其他嘉賓都聽到一頭霧水,問係咩問題)森美當時都再問條數係點計,佢就爆出金句,「我唔計數,我係靠靈感!」森美都再提醒佢正確嘅問法應該係「你買一條裙$300,買兩條幾多錢啊?」啊姐都開聲話佢係未問完條問題.......


全片:

王梓軒今次已經唔只係計錯數,而係自己喺度自問自答,唔通佢真係對數學問題咁敏感?所以根據佢嘅「神算」往績,小編有理由相信佢係真情流露,而唔係「照稿讀」。又有可能佢係想快D玩完個遊戲,但小編都好想聽下王梓軒背乘數表呢!

Ref: TVB

如果喜歡我們的文章,請即分享到︰

標籤: TVB  王梓軒  娛樂大家  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→