王家衛、葉念琛拍"復聯4"會點? 網民爆笑話王導而家仲拍緊!

小眼睛看大娛樂 於 04/05/2019 發表 收藏文章
Marvel《復仇者聯盟 4:終局之戰》喺香港上映個幾星期,即然係大作,自然就有唔少人討論劇情同角色。
而王家衛近日監製嘅新電影《撞死了一隻羊》喺內地上映,撞正《復仇者聯盟4:終局之戰》上畫,王家衛表示「這個時代我們需要英雄,這個時代也需要信仰,沒有信仰的英雄只是一堆機器人。」

而一向充滿創意嘅網民仲開出一個命題,「如果王家衛拍 avg4 會點」,就引來唔少回應!



王大導拍過《東邪西毒》、《一代宗師》兩套動作電影,自然令人諗起佢,而且佢拍攝電影一向「慢工出細貨」,又有好強烈嘅個人風格,都有人批評佢嘅電影支離破碎,確實唔係每一個人都懂得細味。至於「如果王家衛拍 avg4 會點」網民就指「片長起碼5個鐘先」、「佢拍 有生之年會唔會見到佢上畫」、「10年先拍到第一集」、「ironman 大戰之前點返支煙,再黎個慢鏡close up」、「成套戲會多左好多旁白」、「美國隊長打中國太極」大家嘅留言都十分精警!

有網民仲爲呢個「王家衛版」設計對白(腦海中自動出現梁朝偉把聲⋯⋯)



除咗有「王家衛版」外,又有網民再提議由拍咗《十分愛》、《我的最愛》港產片導演葉念琛執導,網民就留言直指「尷尬癌發作」、「首先多個主角陷入多角戀 最後黑寡婦同魁隆搭上左」,又有留言問會唔會預埋鄧麗欣Stephy⋯⋯

又將經常同葉念琛合作嘅方力申Key上海報當中:



如果真係會開拍,小編都係比較期待「5個鐘」(?)嘅王家衛版本復仇者聯盟呢!

留言


請按此登錄後留言。未成為會員? 立即註冊
    快捷鍵:←
    快捷鍵:→