港產女團Asterisk發文否認「衝出香港」,被讚回應得體!

小眼睛看大娛樂 於 11/05/2019 發表 收藏文章
近呢幾日女子團體Asteriskエストリクス突然受到網民、討論區所關注,皆因6位「00後」成員以日系女團嘅形式組隊,又不時喺社交平台上分享成員相,同粉絲們交流呢!



去到今日下晝時間,Asteriskエストリクス一方就發長文澄清,指團體現時為止都不屬於任何經理人公司或娛樂公司旗下,係同媒體溝通下所產生嘅誤會。而且組合現時又無意「衝出香港進軍日本」,只希望集中於香港本土內!帖文下就有網民、支持者為佢地打氣!另一方面,又有網民大讚呢一段回應十分得體呢!




其實自呢一個團體被曝光後,評論好壞參半,有人評批佢地奇怪,又有人讚佢地充滿自信⋯⋯小編再睇翻佢地呢一篇回應,條理分明、思路情晰,又謙虛地表示團體仲有好多需要進步嘅地方,確實寫得不錯。而且從團體嘅日常帖文,以及呢一篇公告中,都睇得出佢地係充滿計畫,認真地追尋自己所鍾意嘅事物,呢一份追夢嘅決心、堅持又有幾多人可以擁有呢?青春就是本錢,就期待佢地嘅發展吧!

Ref:Facebook

標籤: Asterisk  女團  

留言


請按此登錄後留言。未成為會員? 立即註冊
    快捷鍵:←
    快捷鍵:→