《流行經典五十年》佔據黃金時段,網民表示「播夠未」?

小眼睛看大娛樂 於 03/06/2019 發表 收藏文章
當星期日晚喺屋企睇電視,就會聽到家燕姐大叫「歡迎大家收睇......流行經典......五!十!年!」


唔知道各位有無睇過呢個節目,節目由2017年起播出至今,先後由薛家燕、黎小田、曹永廉、湯寶如、胡諾言、陳敏之、古巨基及黎瑞恩主持。節目組會就每一集嘅主題,如:愛情、母親節,邀請不同年代嘅歌手上節目獻唱,而歌曲嘅年代範圍都幾闊,有《月亮代表我的心》(鄧麗君)、《玫瑰玫瑰我愛你》(姚莉),又有近年嘅大熱金曲《矛盾一生》(JW)、《長相廝守》(ToNick)等等.......又會有「我不是歌手」環節,令大家驚覺原來不少藝人都係被遺忘嘅好聲音!

節目定位係一個向流行曲致敬嘅節目,就有如《名曲滿天星》,不過就有網民喺討論區上發帖表示節目「播夠未」!

其實呢個節目點解會出現(甚至係要瘋狂播)?小編認為係有兩個原因,一來TVB要應付「主要觀眾群」(即是家庭主婦、長者),他們未必會用各大音樂平台、YouTube聽歌,又或者對現今流行歌曲嘅接受程度較低,所以就造就節目以「經典」、「懷舊」提供娛樂呢!第二個原因就是TVB與版權公司一直有糾紛,歌手主要係來自星夢、英皇,或一些獨立歌手。但又需要按廣管局要求製作一定時數的音樂節目,所以只好分成播流行歌嘅《勁歌金曲》,以及專攻「懷舊」嘅《流行經典五十年》呢!

至於節目會唔會真係浮誇到要播足「五十年」呢?呢個都係未知之數,但小編比較受不了係家燕姐每一次嘅愛的鼓勵「唱得真係好好啊!」

Ref: TVB


標籤: TVB  薛家燕  

留言


請按此登錄後留言。未成為會員? 立即註冊
    快捷鍵:←
    快捷鍵:→