森美「邀囡囡合照」慘食大檸檬,網民:你平時蝦得女藝人多?

小眼睛看大娛樂 於 25/02/2019 發表 收藏文章
森美日前出席一個兒童活動嘅開幕禮,而囡囡Charisse因為係上年活動嘅得獎者,都有一同出席活動。

可能見難得父女檔現身,森美大哥就想搵埋囡囡合照一番,可惜被囡囡拒絕。面對住囡囡當下嘅拒絕,相信會係身為爸爸所得到最大嘅一個檸檬!(唔通連個囡都唔鍾意我??)

森美有回應指:「囡囡覺得我老土.....」

佢都有再喺instagram 中提起呢件事:

「失戀的感覺呀
哈哈哈
享受過初戀就要付出代價」


對於呢件好笑又忍唔住為森美爸爸感到可憐嘅事,有一部份留言鼓勵森美要接受囡囡大個女呢個事實,但另一邊廂就有人直接指出森美「平時係蝦得女藝人多」!


講起「平時係蝦得女藝人多」呢個範疇,喺鏡頭前畀森美「蝦」得最多嘅兩位女藝人就係小儀、麥美恩(Mayanne)!

森美同小儀喺電台合作無間,又加入TVB主持「千奇百趣」系列(問答遊戲節目),二人不時就身高或智慧、反應「互串」。即使係老是常出現,但都被唔少人認為係黃金拍檔!


而近呢一兩年麥美恩就周不時同森美拍檔!想當年Mayanne參選2011年香港小姐競選時,就被當年主持森美冠上「龍躉村姑」呢個名堂。而《森美旅行團》兩輯都有份拍攝,二人互串都成為節目當時嘅焦點!森美喺節目中仲串爆指Mayanne係「有問題」,所以先未拍過出浴場面呢!




小編發現2個女藝人都有共通點,就係口才了得同唔怕蝕底,所以先可以同出名轉數快嘅森美合作得天衣無縫,形成所謂「被蝦」嘅局面!同埋呢一D合作、定位上嘅設定,又唔係一方「蝦」另一方,而大家又係有來又有往,咁正正符合觀眾們最希望見得到嘅爆笑場面!

至於因為成日「蝦」女藝人,而換來囡囡唔同佢合照,兩件事都無直接關係,都係因為囡囡踏入青春期,.識得怕醜有關。

Ref: Instagram


如果喜歡我們的文章,請即分享到︰

標籤: 森美  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→