【案件重演】朱慧敏爆Seed怒插前度Eddie,遭遇同「尹德如」又幾似!

小眼睛看大娛樂 於 11/02/2019 發表 收藏文章
朱慧敏「前度」彭懷安(Eddie)早前接受訪問,大談兩人間嘅感情事,Eddie 言談間提到呢兩年先知道自己係想要點樣嘅感情生活,仲講到希望可以喺一段關係中可以做翻自己......



呢一翻說話就咁聽落有一種「浪子回頭」嘅感覺,但事件嘅一大「當事人」朱慧敏就好快手咁喺相關Facebook 專頁上留言:


話曬咁多年嘅感情,一齊經歷咗高山低谷,又點可以簡簡單單單用一段說話去分清事實真相呢?你估我地係住喺人地屋企條蟲咩?

小編就唔太鐘意講人地感情事嘅,但發現朱慧敏同Eddie 呢段情同佢嘅代表角色《愛回家》律師「尹德如」有唔少相似嘅地方嫁!真係戲都有得你做?

1) 二人睇落「大攬都扯唔埋」

Eddie 曾經係勁舞組合EO2成員,同選香港小姐出身再加入TVB拍劇嘅朱慧敏,兩位本身嘅工作範圍都好大差別,先唔好講知名度、外型,一個歌手、一個演員,如果唔係真係咁有緣份,又或者唔係身處「係圓嘅」娛樂圈當中,兩個可能就唔會結緣!如果喺平常生活中,一個CEO嘅另一半都好難係一個初級文員(只係用一個反差比較大嘅例子!)



「大攬都扯唔埋」呢一點又真係同《愛回家》嘅John Ma 同尹德如有少少似,John Ma 起初係師爺,而尹德如就係同公司嘅「長勝」律師,真係差幾級,所以當時二人係劇中「公佈戀情」時都令人O曬嘴啊!

2) 講結婚都係「撻Q」

當大家都以為朱慧敏同Eddie「打風都打唔甩」嘅時候,各方就分別傳出唔少負面消息,好似話為事業、偷食等等,就係大家未行到去結婚果一步。情侶拍咗幾年拖,一個想好想結婚,但另一個又自覺自己未玩夠,又或者兩個根本無打算行到去結婚......當中嘅呢份無奈、不安,其實「尹德如」又真係有經歷過!

吊兒郎當嘅馬壯平時講野都已經口花花,到一提到結婚,佢次次玩「閃避球」閃得就閃,睇到令人想結都變到唔想結啊!




最後朱慧敏又會唔會好似《愛回家》最後一幕咁同男主角對望一眼就完咗呢?


小編只係簡單覺得呢2點嘅德如同朱慧敏有相似點,但係感情事呢樣野十個有九個都係相類似嘅起首同結尾,就算依家遇到嘅未係盡如人意,但都要積極裝備身、心,好好期待「下一位」嘅出現!

加油啊!

Ref : Youtube


如果喜歡我們的文章,請即分享到︰

標籤: 朱慧敏  Eddie  尹德如  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→