林欣彤同祖藍和平「分手」,反被指三年「無show開」被投閒置散!

小眼睛看大娛樂 於 02/04/2019 發表 收藏文章
TVB《超級巨聲》第2季出身嘅林欣彤(Mag)剛剛3月尾喺好朋友許廷鏗「處男」個唱上獻唱上年大熱作品《忍》,獲得唔少好評,都令大家覺得上年受到聲帶問題困擾嘅佢,終於要強勢回歸樂壇!

尋晚Mag 就喺社交平台上表示自己同王祖藍的「手工藝創作」結束3年的合作關係,但同時強調二人間嘅合作係相當愉快,仲喺祖藍身上學到好多,令佢成長唔少,更感謝對方所給予嘅包容同機會。一直醉心唱歌嘅Mag,都有祖藍一直都給予佢好大嘅音樂自由,又支持佢做自己覺得舒服嘅事!
loading


有關「完約」貼文一出後,唔少歌手、粉絲、網民都關心會唔會又好似早幾年約滿「英皇娛樂」後要再搵一間適合自己嘅公司呢?又有人關心Mag上年年尾因聲帶受損而延期嘅個人音樂會,又會如何處理呢?

同時,都有唔少網民表示「唔知你做過咩?」





3年時間都唔係一段好長嘅時間,Mag係唔係真係有如所講嘅投閒置散、無野做?

7首歌

Mag簽約「手工藝創作」3年期間,音樂作品方面一共出咗6首單曲、1首翻唱歌(Dear Jane 《哪裡只得我共你》),仲有同群星合唱香港回歸二十週年主題曲《香港 • 我家》。上年嘅《忍》仲長居歌曲流行榜,唱出唔小心做咗第三者嘅苦情經歷,MV仲有2百萬觀看次數!





1套舞台劇、1套劇集

另外,Mag 當時作為祖藍公司旗下嘅藝人,自然就有機會參與TVB劇集《老表,畢業喇!》,飾演「程舒」,與蔣志光做父女,仲同Babyjohn、鄭欣宜有唔少對手戲!又有參與20場《我和青天有個秘密》舞台劇演出。


演唱會取消

演唱會開發賣後,因Mag聲帶問題而需延期舉行,需安排退款手續。


3月中時,Mag 出post 話「做一件大事」,唔通係簽新公司?

loading


如果作為一個歌手嘅話,3年內應該幾慢功出細貨下都可以出到一張有十首歌嘅專輯,但Mag 只係keep 住有出歌,但又出唔到大碟,又無機會喺頒獎禮分到個細獎,產量實在講唔過去!但又諗翻Mag 經常都發生聲帶、身體問題,所以又唔可以咁樣計嘅。只可惜一心想唱歌嘅Mag 就簽去一間娛樂公司,而唔係唱片公司,自然就唔太幫到佢嘅歌唱事業!

只可以話,都係Mag 太唔好彩了!希望佢可以簽一間適合佢嘅唱片公司。

Ref: Instagram
標籤: 林欣彤  王祖藍  

留言


請按此登錄後留言。未成為會員? 立即註冊
    快捷鍵:←
    快捷鍵:→