林子善收$300人情句句有骨,重演案情嚇到"事主"現身?

小眼睛看大娛樂 於 09/04/2019 發表 收藏文章
尋日社交平台上都充斥住「林子善收$300人情」一事,事緣林子善上年4月同圈外女友董佩欣(Kary)喺將軍澳一間酒店擺酒,有出席飲宴嘅賓客就向傳媒「大爆料」,指明林子善事後喺社交平台上指責朋友只係畀咗$300人情。




節錄對話內容如下:

林子善︰你畀我份人情令我永世難忘。

朋友︰自己都唔係好記得。

林子善︰$300

朋友︰真係唔係好肯定入咗幾多,印象中好似係$500,如果真係入少咗,親自搵你賠罪。

林子善︰我諗你一定係放錯咗錢,人情$300我都冇乜所謂,你冇錢都冇所謂,我請你食飯都冇所謂,好閒,最搞笑係你Facebook Inbox我話想參與我嘅婚禮,最後一個咁嘅結果,嗰下我同我老婆真係笑咗出嚟。

其實人情冇分多與少,做朋友手緊請你都冇所謂,講聲就得,上網搵吓去酒店人情基本畀幾多。

朋友︰真心對唔住,自己冇睇吓去酒店畀幾多人情,係自己嘅錯。

事件曝光過後,討論聲音不斷,一方面有人指林子善唔應該公審朋友,又有人指該名「朋友」根本都唔知道市面上係有飲宴嘅公價,一般酒店都需大約$1000。喺評論誰是誰非下,子善自己就再喺社交平台上同友人合演「收$30人情」一幕,子善作出拒絕手勢,演繹「唔收$300人情」一事,明顯熱衷於幽自己一默呢!

loading

一出post後,喺云云支持聲音當中,就有一位疑似係「當事人」嘅朋友留言,表示:「$300果個就係我」


子善都有回應,叫「當事人」唔好再喺社交平台上留言......


其實林子善呢個回應,已經令呢件事有更多「花生」食,令呢件$300人情事件更加令人好奇背後嘅真相,同時提醒大家出席婚宴係開心事,大家好來好去,禮數確實真係要做足呢!

Ref: Instagram

標籤: 林子善  結婚  人情  

留言


請按此登錄後留言。未成為會員? 立即註冊
    快捷鍵:←
    快捷鍵:→