"東張西望"女主持帶隊行山,電視迷投訴指秒變色情節目!

小眼睛看大娛樂 於 25/04/2019 發表 收藏文章
TVB節目《東張西望》近月「添食」到星期一至日,一星期播足7日黃金時期,晚晚陪住大家!當中除咗追訪城市熱話、訪問老店店主嘅環節受歡迎外,一眾外訪女主持推介行山熱點嘅環節,都一直深受各位電視迷、網民嘅愛戴,皆因有一部份觀眾都係「醉翁之意不在酒」,係想睇一眾「東張女神」,如:利穎怡、林泳淘,而多過欣賞香港大自然嘅美景呢!

上星期就有網民喺Facebook 群組「將軍澳」發帖,附上節目截圖,認為女主持人嘅衣著容易引人幻想,反問「請問呢個係色情節目嗎?」



呢一集嘅女主持人阮嘉敏(Mandy)提到大埔美景梧桐寨隱藏種種奪命陷阱,同攝製隊隨山藝教練走訪早前行山客墮崖身亡嘅意外現場一帶,視察沿路危機所在。佢身穿上一件粉紅色貼身背心,下身則配搭一條貼身長褲,過程中都有嘗試攀爬山澗.....



帖文一出,就有唔少網民指「到底衣著有咩問題呢?」、「咩色情節目會著得到咁保守」,大部份留言都指係發文者思想出現問題,指佢係為投訴而投訴呢!

Mandy 自加入《東張西望》團隊後,都被派往外出採訪嘅工作,仲著過唔少緊身嘅衣物呢!


大家又點睇呢件事呢?

Ref: Facebook、TVB


如果喜歡我們的文章,請即分享到︰

標籤: 東張西望  阮嘉敏  東張女神  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→