"東張女神"利穎怡扮中槍,網民:大波主持復出!

小眼睛看大娛樂 於 09/04/2019 發表 收藏文章
TVB新劇《鐵探》已經播出咗個幾星期,故事圍繞住男主角尚垶(袁偉豪 飾)被開槍誤傷一事,早兩日,袁偉豪就喺Instagram上發起同劇情有關嘅「中槍Challenge」,邀請唔同劇中演員喺社交平台上「接力」,齊齊用自創嘅方式上演中槍場面!

尋晚,喺《鐵探》一劇中飾演「黃珮詩」嘅《東張西望》女神利穎怡,佢都有份接受「中槍Challenge」。Joan喺社交平台上分享咗片段,片中嘅佢著上緊身吊帶背心、黑色長裙,再配上外套,「中槍」前都保持住一貫女神造型。Joan講出對白後,就施展一個「華麗轉身」,身上嘅外套馬上倒地⋯⋯

一開場嘅佢已經令人「嘩」一聲!


「中槍」倒地前一刻⋯⋯

loading

粉絲、網友們都有喺片段下留言,表示自己唔知道應該欣賞身材定係演技,又有網民表示東張女神係唔係要復出喇!



又難怪大家咁掛住經常著小背心、貼身衫大派福利嘅「東張女神」,事關自節目改成一星期播足7日後,唔少外景主持,好似利穎怡、林泳淘、李旻芳等一眾靚女,都有機會入錄影廠做直播主持!Joan 上星期就係第二次「坐廠」,仲表示「今次其實已經無第一次咁緊張,但反而無第一次咁留神,走了兩次神」。


唯有先回味一下利穎怡曾經帶畀大家嘅美好《東張》回憶⋯⋯又或者睇住Instagram上嘅相先⋯⋯






小編見到利穎怡喺社交平台上分享自己「中槍」同《東張》節目直播嘅後感,都從中感受到佢希望改善自己演技、主持技巧,做一個內外兼備嘅藝人,唔係有心令大家錯Focus!話唔定遲下「東張女神」復出時,會更加有驚喜呢!

Ref: Instagram
標籤: 利穎怡  鐵探  東張女神  東張西望  TVB  

留言


請按此登錄後留言。未成為會員? 立即註冊
    快捷鍵:←
    快捷鍵:→