杜汶澤、程美段因出糧爆罵戰,前經理人疑乘機抽水?

小眼睛看大娛樂 於 28/04/2019 發表 收藏文章
杜汶澤尋日下午喺社交網站上發帖,指曾經參與其網上平台節目嘅程美段(Kiwi)因為「出糧」問題向記者申訴,事件馬上就引起瘋傳。喺帖文發出大約5小時後,啊澤喺Facebook專頁發出長文,同時附上蘋果日報有關事件的報導,指出「呢件事絕對係我公司同事疏忽」、「好嘞入咗錢又唔同人講」,同時就呢件事再一次向程美段道歉。啊澤喺帖文最後都有提到程美段係有「搏見報」嘅能力呢!


而事件另一主角程美段(Kiwi)都有喺社交平台上解釋事件,先指「當中我可能有處理不當⋯⋯所世上所有事,都離唔開人之常情」,再整理出同工作人員聯絡嘅時序,交代自己等咗3個月,有2個星期都有向工作人員查間薪金情況,但當時只係得到一次回覆⋯⋯對於向記者爆料,程美段指「我向記者所交代嘅近況係包括所有動向,呢一次嘅事只係屬於其中之一,我無必要刻意唔講」⋯⋯

直至尋日凌晨時份,Kiwi再喺Facebook轉發前經理人陳達人尋晚喺大約15分鐘嘅節目中提到「程美段事件簿」,直指對片中嘅攻擊說話唔會有回應,「但今次之後,大家不相往來,你亦唔好私下聯絡我,大家以後唔係朋友」


陳達仁喺節目中先講到自己同程美段起初合作嘅關係,指當年覺得佢外表、身型係「男士恩物」,所以就合作。然後就表示要用持平嘅態度談論事件,提到自己曾經幫佢製造唔少機會,「有D人係唔同⋯⋯做咗出嚟同傾咗嘅形象咪跟住行 唔得」、「佢當時識嘅記者唔多⋯⋯又刻意賣弄性感,呢一樣係我唔鍾意,性感露係要,但係要有策略地露,因為你露得唔好、形象差,就會影響到其他人」陳達仁指記者尋日有聯絡過佢,又指從記者口中得知杜汶澤、Kiwi事件,並重提當年Kiwi曾經同報章「造」過佢,「佢覺得藝人離開個經理人,然後就要唱衰佢,經理人就會變衰人」,有指Kiwi當年不滿被經理人禁止走性感路線而令收入減少,而決定同經理人結束合作關係⋯⋯

陳達仁對於杜汶澤、程美段呢一件事,就表示唔太相信,指有咩事發生都應該直接講,而唔係「暗暗地」向記者透露。佢用「養狼狗 咬心口」去總括事件,覺得應該用感恩嘅心態去結束合作關係。



對於前經理人對程美段嘅評價、事件分析,有網民就留言指佢無「單方面批評」、「乘機抽水」,但其實對方講述翻曾經同Kiwi合作嘅過程,以及Kiwi嘅處事態度,就會好易令人誤會佢係「踩多一腳」,令大家更加唔可以用持平嘅態度去睇呢件事。如果將呢件出糧事件放喺我地嘅身上,你應該都會諗直接聯絡對方、打電話,用最直接嘅方法去追討應有嘅人工。

Ref: Facebook、YouTube

如果喜歡我們的文章,請即分享到︰

標籤: 杜汶澤  陳達仁  程美段  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→