李佳芯鏡頭前遭西藏大叔公然「抽水」,就係TVB拍嘅真人騷?

小眼睛看大娛樂 於 07/06/2019 發表 收藏文章
TVB節目《如果這樣生活》主打10位藝人去到日本、台灣、內地等多個地方,了解當地人的生活態度,再分自己享工作、成長上的故事。節目打正「真人騷」旗號,應該唔多唔少可以睇到藝人喺鏡頭面前展現出真性情(或是係佢地想建立嘅形象)。但節目已經先後播出黎諾懿、袁文傑嘅部份,觀眾、討論區網民都是將專注力放喺「馬壯」黎諾懿所講嘅「港式普通話」,「你可不可以車(載)我去?」、「玉米」被錯讀成「Yumi」,更有不少專頁爲片段配上字幕,成為熱話!就算係取笑黎諾懿又或者用作反面教材,但就有少少偏離節目嘅方向。


直到尋晚播出由李佳芯(Ali)主持嘅部份,佢去到西藏探索生命意義,就反而有一幕令小編留意到「真人騷」元素係存在!

Ali喺村落小茶館同藏民一齊飲甜茶、食藏麵,Ali先提到當地人一有眼神接觸就會笑,表示大家係用笑容溝通。然後就有一位大叔先同Ali握手,然後就坐咗喺Ali隔離嘅空位,其後就搭住Ali膊頭,其後Ali都有講「我個人其實好怕醜⋯⋯如果平時有人係好熱情,好似頭先咁想攬我、錫我,我會覺得好似唔知點」但Ali都有再講話對住佢地就唔會有呢一種感覺,只要同當地人一有眼神接觸,佢地就會望住佢笑,表示當地人嘅笑容係好真心、燦爛,所以就好放心咁同佢地玩!

部份網民反應:


呢一幕就展現出當地人嘅真性情,就係比較鍾意笑,同埋比較「熱情」,所以就開始有少少真人騷元素,而唔係只係藝人單單講自己工作上嘅辛酸。但節目做唔到完完整整嘅真人騷,畀人一種鬆散嘅感覺,就係因為每一位主持被剪輯成嘅部份只有一集,即係大約短短25分鐘,觀眾都只能走馬看花,未必可以好好體會呢!

Ref : TVB

如果喜歡我們的文章,請即分享到︰

標籤: 李佳芯  TVB  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→