李佳芯慶生相key口罩,慘被攻擊指同黃心穎好大仇口!

小眼睛看大娛樂 於 24/04/2019 發表 收藏文章
李佳芯(Ali)喺社交平台上分享同媽媽慶祝生日嘅相,一向作風比較低調(定係因為傳言所指嘅被TVB施壓?),平時都無上載同男朋友Viu TV藝人陳炳烇嘅單獨合照,但今次就「破例」分享一家人嘅相。即使形容Ali今次分享呢張相係「破例」,但Ali 都用應用程式為相中四人key上一個韓系黑色口罩 ,令大家都係「見眼唔見樣」!


本來Ali 都係post 相同大家分享同媽媽慶祝生日嘅喜悅,本應留言框當中係會出現祝賀說話,但可能係因為相中嘅黑色口罩同黃心穎喺被爆出片段中所用到嘅係同款,其中有幾位網民嘅留言內容牽涉到「安心偷食」事件當中,「睇嚟妳同 #安心 過唔去喎」、「黃心穎口罩」、「又要威又要戴安心罩」.......都有人大讚Ali嘅P圖技巧出色呢!


今次會唔會係大家想像力太過驚人呢?

一個同款口罩(仲要唔係真口罩)都可以聯想到去黃心穎、許志安身上,又指呢一張相係「另有所指」。可能就係呢個仲處於敏感時期,曾經合作過嘅男、女藝人都有機會因為一張相、一個表情符號而觸動大家嘅思考。不過,相中嘅呢一款韓系黑色口罩都係唔少藝人,又或者身邊嘅朋友都會用過,甚至會視為「追星」恩物,咁有呢一款口罩嘅人都可能「躺著也中槍」了!

Ref: Instagram

如果喜歡我們的文章,請即分享到︰

標籤: 李佳芯  黃心穎  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→