朱千雪結婚獲大量巴打祝福，絕對係TVB近年高質港姐！ 精選 推薦

「千雪BB」朱千雪尋日下晝時候喺社交網站上發文公布婚訊，宣佈同拍拖五年的醫生吳昆倫（Justin）修成正果！千雪在帖文中post 出二人嘅合照、童年照，指與未婚夫係青梅竹馬，「我們初認識時我們剛出生。我們的媽媽選擇了在同一間醫院房生小孩，也很巧地相隔三天就生了她們的第一個兒子和第一個女兒。當小孩時我們都是靠媽媽才會接觸，但現在我們長大了...我們懂得建立屬於我們的友誼，屬於我們的感情，而現在也要開始建立屬於我們的生活。」




或許大家平日得知女神、BB們嘅婚訊，都會大感「心碎」，或高呼「女神結婚了，新郎不是我」雖然今次唔少網民都表示有相同感受，但依然送上唔少祝福予千雪呢！單看Instagram帖文直至現時爲止，已經超過13萬讚好，在連登討論區內又獲得大量巴打祝福⋯⋯連宣布婚訊都得到不少祝福，相信只有呢位接近「零負評」嘅香港小姐先可以做得到！
千雪自選港姐至加入TVB參與劇集拍攝，以至個人生活，一直都被觀眾、網民力讚，是一位內外兼備嘅「真 ‧ 女神」呢！

1) 民選港姐

朱千雪參選2012年度香港小姐競選，當屆係由評判先選出最後三強，然後安排10分鐘時間由觀眾一人一票透過TVB應用程式、官網「一人一票」投選冠軍，但最後就因為網上投票系統伺服器出現問題，最後改由評判分數定出港姐三甲。最後當年千雪得到季軍，冠軍為張名雅，亞軍則爲黃心穎。但根據多方面的民意調查，朱千雪應該先係冠軍，結果多年就被唔少人稱佢為「民選冠軍」。


2) 拍劇擔正女一獲好評

千雪喺TVB嘅劇集作品唔太多，而2016年嘅《EU超時任務》係千雪第一次擔正第一女主角，佢喺劇中飾演凌晨風一角，佢嘅角色係一個穿越時空嘅女警，與男主角「渠頭」王浩信有唔少對手戲，仲被睇好成為當年嘅最佳女主角，可惜最後只係同王浩信一齊奪得「最受歡迎劇集搭檔獎」。

3) 不斷進修

千雪係其中一位上位花旦，但佢未有「劇接劇」，而係近年先後報讀中大傳播學院碩士，又喺城大攻讀法律博士。不過一直都有唔少粉絲擔心千雪會唔會因為學業而退出娛樂圈。


4) 絕少傳出緋聞

自2012年入行至今，千雪嘅緋聞對像甚少，大多都只係同劇「對手戲唔太多」嘅對手，如：與馬國明拍攝《On Call 36小時II》時傳出緋聞，以及與黃宗澤自《警犬巴打》後傳出緋聞。而即使與王浩信再喺劇集《踩過界》合作，都係無傳出緋聞，或者係因為可信性太低？


部份網民對千雪婚事送上嘅祝福：


除咗以上關於千雪嘅幾點正評，小編又諗起同千雪同屆嘅張名雅、黃心穎，前者曾經被批評演技，而後者就因為「安心偷食」事件而令形象徹底潛水，喺呢一個對比下，更加顯得出千雪係近年一位真正「美貌與智慧美貌並重」的香港小姐呢！

祝福千雪BB與Justin幸福美滿！

Ref：TVB、Instagram、Facebok