有XXX,實睇!瘋傳丹爺要離開《愛回家》盤點TVB歷年「收視福將」!

小眼睛看大娛樂 於 26/01/2019 發表 收藏文章
TVB處境劇《愛·回家之開心速遞》收視一直高企,最近仲宣佈加開集數,可喜可賀!但隨住劇中嘅「新威龍廣場」擴建,有傳將會加重威龍百貨嘅劇情,變相即係令熊家上下又要離開劇集!


《愛·回家之開心速遞》一開播都係由熊家支撐劇情,用有趣、溫馨、寫實嘅家庭場面嚟吸引觀眾,而當中連繫住屋企人嘅關係嘅「熊樹根」(劉丹 飾)一角,可以係劇中嘅一大靈魂,成功打救起初唔被人睇好嘅《愛·回家之開心速遞》!

睇番丹爺出演過嘅幾套處境劇,套套都可以有好嘅口碑同收視,仲不停加集數,絕對係處境劇當中嘅「收視福將」呢!

《真情》「叉燒炳」

《真情》一共播咗4年半,合共播出1128集,都令「叉燒炳」成為丹爺嘅經典角色!


《皆大歡喜》明憲宗

《皆大歡喜》合共播出325集,係少有嘅古裝處境劇。丹爺飾演愛女心切嘅皇上,經常喺劇中產生唔少笑話,仲被車婉婉飾演嘅萬貴妃專稱佢做「懵炳」!


《皆大歡喜》時裝版 王尚

《皆大歡喜》受歡迎到開埋時裝版,兩輯合共768集!實在犀利!


《愛回家》馬虎

到近少少嘅《愛回家》系列,「爺爺」丹爺又帶領劇中馬家成員,令大家個個都交到戲、成功入屋,將劇集由180集加至804集!仲引伸出《馬家開飯》、《馬家過聖誕》等綜藝節目!



其實除咗丹爺係處境劇當中嘅「收視福將」,仲有以下都係屬於「收視福將」嘅演員,相信大家唔多唔少都有睇過嘅!

歐陽震華(Bobby)

Bobby出演《壹號皇庭》、《陀槍師姐》、《洗冤錄》、《美味天王》、《一屋老友記》等,套套高開,2007年時更加憑《賭場風雲》入圍艾美獎視帝最後5強!



黃子華

「子華神」參演嘅TVB劇集唔多,但正所謂「貴精不貴多」,有《男親女愛》、《棟篤神探》、《奸人堅》、《絕代商驕》、《My 盛Lady》,套套都爆出抵死對白,成為追劇熱潮,就算再重播都引起話題。子華仲憑《My 盛Lady》,榮登「視帝」寶座!



對於3位「收視福將」,小編都覺得佢地係實至名歸!「收視福將」真係唔需要好靚仔,只要有好演技,然後又可以牽動劇中演員、觀眾嘅情緒,又具有自己鮮明嘅形象,好似丹爺係踏實好男人、子華係鬼馬笑匠、Bobby係風趣又情深,真係抵佢地成為劇集嘅靈魂!如果有3位可以「強強聯手」,拍一套劇集,相信可以成功攬曬唔同年齡層嘅觀眾!

但依家都係要講:丹爺,唔好離開《愛回家》啊!


如果喜歡我們的文章,請即分享到︰

標籤: 愛回家  TVB  劇集  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→