曾樂彤疑似咪嘴受狙擊,男友游學修:理直氣壯怕咩!

小眼睛看大娛樂 於 18/03/2019 發表 收藏文章
上星期二《KKBOX風雲榜》完滿結束,本身應該係因為首次喺香港舉行而備受關注,但反而歌手現場嘅表現紛紛成為亮點!

除咗謝安琪喺壞耳機嘅情況下堅持演出外,Youtuber出身嘅歌手曾樂彤以「年度新人」身份演唱新歌《太陽蛋》,作為平時主打抒情慢歌嘅歌手,喺又唱又跳嘅情況下,有唔少網民或聲稱在場目擊「事發經過」嘅觀眾都指曾樂彤唱歌嘅時候,無喘氣聲、無走音,則惹來「咪嘴」疑雲!

音樂會完結後,佢有喺Instagram 上分享自己演出時嘅相:



已經有唔少網民喺post 下提出對當日表演嘅意見,質疑佢係當日「咪嘴」嘅歌手,又有指佢對唔住KKBOX 年度歌手呢一個大獎!但都有Fans 為佢打氣、加油......



其實唔少網民都會狙擊曾樂彤當晚嘅表現,唔單止係佢嘅歌唱實力被一眾實力派歌手(如:張敬軒、謝安琪、鄧小巧)比下去外、疑似咪嘴外,仲因為喺Instagram 限時動態上嘅綵排相,用上hashtag #miclnm (咪你XX),同時強調自己係練咗3個星期,同時希望唔好令畀自己機會嘅人失望,又請大家重溫當日嘅演出片段,然後先作出公平嘅意見!


直到尋日晏晝時間,曾樂彤嘅男朋友游學修終於表示「按捺不住」,認為狙擊事件過於嚴重,又令女友身心俱疲,所以就出post力撐女朋友當日嘅演出!

「事實就是她認認真真從無咪嘴
事實就是大家聽到都是咪嘴
事實就是她非常沮喪和氣憤」




至於主辦單位嘅官方Facebook專頁現時都仲未發放當日曾樂彤嘅演出片段,但都有網民分享當日現場所拍攝嘅片段,大家都可以參考一下!

現場演出係一個歌手對自己同樂迷嘅基本尊重,往往都係大家最關心嘅,就算一時失手、唱得唔好,但只要用心唱、享受舞台,大家都會感受得到。至於曾樂彤到底有無咪嘴呢?無去到現場睇嘅觀眾就確實唔可以下定奪,但確實係唔少新人演出時都需要比較大聲嘅音樂去襯底,咁又唔可以話佢係咪嘴、無唱。不過曾樂彤出道以嚟都唔係行實力派路線,仲曾經試過同張敬軒喺《星光熠熠耀保良》入面表演歌舞劇,被形容為災難級演出......確實要好好下苦功喇!

Ref: Instagram、Youtube

如果喜歡我們的文章,請即分享到︰

標籤: 曾樂彤  游學修  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→