方力申被指浪費鄧麗欣10年青春,以高EQ回敬劣評!

小眼睛看大娛樂 於 04/04/2019 發表 收藏文章
提起娛樂圈當中「最唔想佢地分手嘅情侶」,方力申(小方)、鄧麗欣(Stephy)應該都榜上有名!只可惜二人喺2016年3月嘅時候,透過經理人公司太陽娛樂文化發表聲明表示已經結束十年嘅情侶關係,回復單身!

唔少人都對佢地分手嘅一事感到驚訝、可惜,當時又有網民慨嘆世界上始終都係無童話式嘅愛情!大家當時都可能有呢一種感受,只係怪二人嘅「金童玉女」形象太過深入民心!小方、Steph早年因合唱歌曲《好心好報》、《好好戀愛》而傳出緋聞,後來又多次以「情侶檔」姿態合作拍攝由葉念琛執導嘅愛情電影,包括:《獨家試愛》、《十分愛》、《我的最愛》,早已有一種「打風都打唔甩」嘅感覺!



但尋日就有網民喺小方嘅Instagram 上發出批評:



該名網民指方力申十年都不表白(應該係想指表態)、娶人,鄧麗欣等你10年!

小方就用上一大段回應,認為任何人都唔夠代表他人回答。又問對方點知其他人幾時係開心呢?即係《莊子》提到嘅「子非魚安知魚之樂」。


唔少網民都支持小方嘅說法,覺得這是他們兩個人嘅事,當事人清楚了解就可以。另外,又指出留言嘅人士一直都係用呢一個假帳號去攻擊方力申,已經唔係第一次做出呢一種行為!



其實二人2016年12月,即分手後大約9個月,都曾經首度同台出席活動,有影過一張世紀合照,明顯二人在鏡頭前都十分大方,看似唔太將分手嘅事放喺心上!而且,Stephy 上年7月公開同台灣男藝人王子拍拖嘅消息,又喺台灣開設飲品店,看似十分甜蜜!


王子、Stephy 合照


小編都唔講佢地依家開唔開心嘅問題,但感情事都只係佢兩個人嘅事,大家當娛樂新聞討論下就可以,何必要喺明星嘅Instagram 上公審呢?而且二人都已經分手,依家重提件事都已經改變唔到個事實,Move on 喇大家!

Ref: Instagram





如果喜歡我們的文章,請即分享到︰

標籤: 鄧麗欣  方力申  王子  分手  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→