【放手 放開所有】林峯就做「老襯」？ 偏偏未做過「視帝」 回顧經典 「峯」式演技！ 精選

林峯自從同吳千語結束3年情後，火速就同內地新女友張韾月打得火熱，近日仲不時孖住周圍見朋友、翻家鄉見親戚，根據種種行徑，大家都估佢地係唔係有機會拉埋天窗、早生貴子呢？

一向畀人感覺似足「大細路」嘅林峯，就快步入男人四十，加上事業有成，趕住做「老襯」都好正常啊！

但數下數下，佢拎過亞太區男歌手，又拎過幾次最受歡迎男角色，但就偏偏係未拎過TVB嘅視帝！（嗚啊......）



由1999年開始效力TVB到2014年，峯峯都拍落唔少大受歡迎嘅經典劇：

《美味情緣》江上游

《尋秦記》嬴政


《律政新人王》「新牌律師」樂斌


《大唐雙龍傳》寇仲


《溏心風暴》「情深律師」Alfred


《少年四大名捕》成崖餘／無情


《談情說案》景博 (Professor King)


《雷霆掃毒》韋世樂（Happy Sir）



可能你會話佢初出道就拎視帝就話TVB造馬又剩，但《使徒行者》嘅一角就演技「爆Seed」（劇集仲要係當年嘅收視冠軍），被連番激讚，但最後同視帝獎項都係「擦邊球」！無天理啊！

呢一場比較少人講嘅場口，峯峯都將果份尷尬展現得恰到好處，演得入型入格！


公道講句，睇數據，峯峯拍得嘅唔係大作，就係一系列高收視劇集，而且劇集角色又多元化，絕對係有齊做視帝嘅條件。但可能係當年畀TVB捧得太高，令唔少觀眾都反感佢「Chok」同「老是常出現」，自然令佢次次都同視帝無緣！峯峯真係成也TVB，敗也TVB啊！

Ref: TVB、蘋果日報