【收視毒藥】黃心穎擔正《丫鬟大聯盟》被抽起 港姐分分鐘拖低收視 精選

下星期TVB將會播出《皓鑭傳》，照樣有《延禧攻略》班底：「魏瓔珞」吳謹言、「乾隆」聶遠、「明玉」姜梓新。但原來本身係安排咗由黃心穎（心穎BB）、湯洛雯（靚湯）主演的《丫鬟大聯盟》播出。


《丫鬟大聯盟》係黃心穎首次以「女一」登場嘅劇集，照計喜劇係好適合新年檔期，但都被抽掉，唔通都係敵唔過港姐就等於收視毒藥呢個稱呼？

睇翻心穎BB係由2013年開始參演劇集演出，起初都係由客串做起，到2015年嘅《東坡家事》蘇小妹、2017年《宮心計2深宮計》甘若芊先稱得上站穩二線。


對於心穎嘅演出，網民紛紛都覺得佢只係花瓶、唔識做戲、只係識大笑，仲有人話佢同男友馬國明做戲先係最自然（真情流露～～）！




除咗心穎，以下幾位港姐出身嘅藝員，曾經被冠上「收視毒藥」！

陳凱琳

被評為演技太浮誇、似迪士尼公主，加上老是常出現。

蔡思貝

同樣「老是常出現」的蔡思貝被指太嘈、太煩，仲話佢次次只識做衝動角色！


麥明詩

麥明詩演技屬於合格線，但角色偏向都係專業人士⋯⋯