《愛.回家》細龍生重演「安心出軌」,呂慧儀同時自抽?

小眼睛看大娛樂 於 22/06/2019 發表 收藏文章
TVB 處境劇《愛.回家之開心速遞》昨晚播出《有食唔食?(下)》,再次延續上集所提到嘅「細龍生」Max(鄭世豪 飾)遭到女星Cherry喺車廂投懷送抱(即是重演「安心偷食」事件)嘅事件。上集提到龔燁(張景淳 飾)、熊若水(呂慧儀 飾)未能夠喺地下拍賣會將絕密片段買翻。今集就講到影片被流出,成為網絡熱話。

當然大家最期待嘅就係Max道歉,到底係唔係抽水抽到盡呢?

Max喺記者會前化咗一個特別妝,令自己睇落好有歉意,更預先準備眼藥水表示道歉時會聲淚俱下。但Max喺記者會舉行前,從龔燁、熊若水口中得知仲有8分鐘嘅影片未曝光,當中就係可以證明佢嘅清白。

Max就車廂親密影片嘅道歉:

「我想同大家講,喺呢段日子裡面,我造成大家極大嘅困擾,我深感抱歉,但係我想大家再一次睇條片⋯⋯因爲大家所睇嘅片段,並唔係事實嘅全部,所以我好想大家可以睇埋呢一條被剪走嘅8分鐘片段⋯⋯」而佢就無講到本身所準備嘅指自己「我係一個臭咗嘅男人!」



其實除咗呢一個「抽水位」外,熊若水(呂慧儀 飾)喺今集對「出軌」嘅評論,其實都有d「自抽」。呂慧儀前夫黃文迪喺今年三月被爆出喺巴士上與女子態度親暱,其後二人就喺Instagram上發聲明宣布結束七年婚姻。

對於龔燁將所有責任推到Cherry身上,熊若水就激動表示「牛唔飲水邊撳得牛頭低」、「唔遇男人無責任咩」
熊若水又提到:「手袋可以有好多個,但老婆、女朋友都只可以有一個」


對於今集呢兩個「抽水位」,小編都覺得劇組係用心、著重細節,就細龍生道歉嘅一幕,無完完全全「神複製」,而係更改成拆彈部份,增加戲劇性。而且呢一段其實除咗抽「安心偷食」事件,都好似順便重演近日特首、官員被批評嘅道歉講話呢!至於「熊若水」呂慧儀嘅部份,真係好難唔令人回想起佢離婚一事,但所講嘅對白都幾乎合人物設定丫!

Ref:TVB


如果喜歡我們的文章,請即分享到︰

標籤: 愛回家  TVB  開心速遞  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→