《愛 ‧ 回家》重演安心偷食,網民: TVB放棄咗黃心穎

小眼睛看大娛樂 於 20/06/2019 發表 收藏文章
TVB處境劇《愛.回家之開心速遞》長播長有,早前反對修訂《逃犯條例》遊行期間,就播出一集講述大龍生(羅樂林 飾)以霸權行為收鄉郊土地,令附近村民以遊行、集會作反對,該集除了霸權、示威者外,更出現雨傘,就令一眾網民指《愛回家》編劇有暗示近日所發生的一連串社會事件呢!

當該集播出後,就有網民指劇組早已經拍攝該集,只係等待時機適當才播出,以達到緊貼時事嘅效果!

不過從琴晚播出嘅預告當中,新一集就係同黃心穎、許志安車廂「偷食」事件類同,劇情講述龍力士(鄭世豪 飾)被拍下同女子喺車廂內嘅親密舉動,相片更被司機送到拍賣會拍賣,熊若水(呂慧儀 飾)與龔燁(張景淳 飾)就被大龍生安排出席拍賣會,以競投該批相片.......


預告中嘅親密相片係黑白色,拍攝場地又係車廂,而且龍力士又係人夫身份,確實同「安心事件」都有成9成相似呢!而且一連兩晚分成上下嘅集名都會係《有食唔食?》


部份網民意見:


對於「TVB已經放棄黃心穎」呢個回應,確實最能夠體現喺《愛回家》當中。先由安心事件一爆出後,就因為網民、劇迷們(又或者係廣告商)的施壓下,將由黃心穎主唱的主題曲《在心中》滅聲,依家又自事隔個幾兩個月後「抽水」,所以即使「暫時唔解約」地慢性放棄黃心穎。(當然都不忘抽水抽到盡)

Ref: TVB


如果喜歡我們的文章,請即分享到︰

標籤: TVB  愛回家  鄭世豪  安心偷食  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→