《愛回家》Terry、Anita組黑化CP,劇迷呻Terry悶到令人熄電視!

小眼睛看大娛樂 於 18/05/2019 發表 收藏文章
TVB處境劇《愛·回家之開心速遞》近日因爲池美麗暗戀金城安嘅劇情,令唔少劇迷表示編劇「亂咁嚟」,內容變得唔合理!而呢一個情況其實都出現喺另一人氣角色Terry(李偉健 飾)中,早前劇情講到Terry從傻氣變得奸險,又取代大小姐(林淑敏 飾)嘅職務,完全顛覆觀眾對角色嘅認知!

尋晚播出嘅一集,Terry唔單止陰招盡出,更有可能同Anita (梁茵 飾)組成「黑化」CP,令Terry嘅黑化指數又進一步提升!

Terry喺舞會上發現啊清嘅爸爸係有錢、有地位,就決定同對方辦一場政治婚姻,然後盡快生B,以保住繼承人地位。Terry扮成啊清所鍾意嘅劇集男角,如:髮型師、咖啡師,務求令對方盡快同佢結婚。



到中後段,Anita向啊清講所有野都只係Terry嘅陰謀,而唔係真正鍾意佢。而Anita咁樣做,就係因為佢希望可以令自己成為Terry嘅女人。



唔少劇迷睇完呢一集後,都表示好掛住傻傻嘅Terry,又指佢依家扮奸角唔係好到位、對白生硬,更指角色變得十分悶、零吸引力 !


小編都好明白編劇係要搵新主題,但眼見黑化後嘅Terry唔太令大家受落,真係係時候將Terry「還原」喇!如果唔係又會白白浪費一條本身建立得唔同嘅主線!

Ref:TVB

如果喜歡我們的文章,請即分享到︰

標籤: TVB  愛回家  開心速遞  Terry  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→