《愛回家》Terry 送份禮物都「膠」過人 唔畀人打穫金算佢好彩

小眼睛看大娛樂 於 25/01/2019 發表 收藏文章
新年、情人節等各大節日都即將殺到埋身,唔少人都會煩惱緊買咩禮物畀親朋好友,如果想有番些少心意同創意嘅話,DIY都係一個幾好嘅選擇。但好就D.I.Y,唔好就分分鐘D.I.E(我話你啊!)

各位就唔好學《愛·回家之開心速遞》嘅Terry咁傻仔喇!(好似不嬲都係)

尋晚播出嘅一集,Terry又好心做壞事喇!

Terry因為同「二房」嘅阿哥「龍力士」一齊慶祝生日,就激嬲咗「大小姐」龍力蓮。Terry就買咗一個水杯,然後自己用「BB膠」貼上家姐嘅英文名做裝飾。




係就係hea咗少少,但你要明白Terry只可以做咁容易嘅「小學雞」手工。但係,一場悲劇出現喇......

大小姐拎起個水杯,滿心歡喜咁貼住自己塊面影相,但隻杯就貼住咗自己塊面,oh no!




哈哈哈,係好慘,但真係好好笑啊!哈哈哈哈......

其實小編真係好同情大小姐嘅遭遇,因為Terry今次實在幫唔落手,皆因佢犯咗2大送禮大忌!

第一,佢送咗位列「最唔想收到嘅禮物」頭幾位嘅水杯,簡直無用到極點,仲要係橙色,你叫人點用呢?第二,Terry咁大膽將家姐個英文名「Linda」,串咗做「Linder」,da 同der,讀音同字數都差成條街,連收禮物個人嘅名都串錯,如果係我,一定唔會接收呢份咁無誠意嘅禮物!(零分重作)

學大小姐講句:你正一人頭豬啊!

ref : TVB


如果喜歡我們的文章,請即分享到︰

標籤: 愛回家  TVB  開心速遞  大小姐  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→