《愛回家》金城安被逼背女友"偷食",剛好撞正"安心"事件!

小眼睛看大娛樂 於 18/04/2019 發表 收藏文章
尋晚播出嘅《愛.回家之開心速遞》特別受到關注,因為唔少觀眾都期待TVB會點樣處理由黃心穎主唱嘅主題曲《在心中》,到播出尋晚集數嘅時候就改為《在心中》嘅純音樂,即係黃心穎唔單止好一段時間消失於TVB,仲要被「滅聲」。難得TVB順應網民意見,除咗係因為今次事態嚴重,仲會唔會係因為日前Big Big Channel訪問馬國明媽媽而被圍插一事呢?連尋日馬國明喺電視城接受訪問嘅時候,都提到希望「媒體」唔好再去追訪佢家人。

除咗黃心穎歌聲去留成為亮點外,尋晚播出嘅一集《愛回家》剛好就播出金城安(周嘉洛 飾)背住女友Bonnie(林凱恩 飾)「被逼」同池美麗(鐘凱琪 飾)見面,好在最後都無發生「偷食」事件,如果唔係真係同呢幾日熱爆嘅「安心事件」十分相似。

尋晚播出嘅一集名為《美麗的開始》,劇情講到安仔無論喺大學Canteeen,又或者商場內,只要佢一離開座位,就會有神秘人送上禮物,仲有專人上佢屋企送上一盒砌成心形嘅豬大腸。面對一份又一份嘅禮物,安仔起初都以為暗戀者係佢嘅守護神,表示十分興奮。所以決定偷偷埋伏喺大學Canteen,監視暗戀者嘅出現,結果發現對方正正係自己最驚嘅池美麗......



其後池美麗哥哥池子孝就要求安仔作出交代,池子孝仲叫安仔同Bonnie分手,然後再同自己啊妹一齊......



安仔仲安排「暗黑餐廳」撮合好兄弟朱凌凌(吳偉豪飾)同池美麗,可惜失敗而回......


然後佢地幾個打算再將美麗推畀另一個朋友「阿壯」,美麗偷聽到後立即上前質問安仔點解將自己推來推去.....最後安仔被池子孝找晦氣,美麗仲幫安仔擋咗一拳......

呢個又會唔係一個大家最想睇到嘅結局呢?定佢地會成為新一對《愛回家》CP呢?

其實《愛回家》一向都以「貼地」、緊貼生活見稱,早前已經神還原「飯托」事件,但相信近期應該都唔會再將車廂「偷食」事件神還原吧!

Ref: TVB


如果喜歡我們的文章,請即分享到︰

標籤: TVB  愛回家  金城安  池美麗  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→