《愛回家》蔥頭靚仔過姜濤？被建議變為劇集固定角色 精選

日前處境劇《愛回家之開心速遞》出現模仿MIRROR成員姜濤的「蔥頭，」一角，蔥頭無論在造型、小動作、背景都惹來討論，有人就話「蔥頭，」丘梓謙「醜化」姜濤，又有人認為丘梓謙的演出出色、連小動作也模仿得相當神似，又似乎未至於上一次「姜蓉事件」般劣評處處，不過即使讚賞的留言只是歸於丘梓謙而非TVB。又有網民於討論區發文指「TVB可以試吓捧蔥頭 (邱梓謙) 佢仲靚仔過姜B」，又建議安排蔥頭成為《愛回家》的固定角色。

如果要把蔥頭，變成劇集的固定角色，即是會增加更多「追星」、偶像生活的情節，變相即是劇組會「抄考」更多姜濤過往演出、參賽片段、新聞，又會更加引起部份姜糖的反感，最終TVB都是離不開被恥笑「抄細台」的命運。而且，蔥頭變成固定角色，即是大部份時間都會以「模仿姜濤」的造型現身，除非劇情變成蔥頭，造型大改造呢！
至於「蔥頭靚仔過姜濤」的說法，如果以相近造型作比較的話，應該都只可以說他是用心地模仿，但「靚仔」與否就視乎各人的喜好，都是相當主觀的話題。又或者提出「蔥頭比姜濤靚仔」的人其實只不過是TVB的「打手」又或者本來就討厭姜濤。

網民讚蔥頭靚仔過姜濤的帖文當中都引來討論，話「可以試吓捧蔥頭成為愛回家其中一位主角 一星期出現幾晚, 可能會大受歡迎, 收視又創新高」、「星味 壓台感 我覺得姜濤係幾強」、「証明姜濤根本唔靚仔，TVB 求其一個都靚仔過佢」、「真係靚仔嗰個MK仔」、「繼續留係愛回家啦」、「吓 靚仔 ???? 無X野呀」
再看看邱梓謙Instagram的相，不扮成「蔥頭」的他，只會令人想起童星時期的他，樣貌與小時候沒有太大分別！



唯一可以話蔥頭角色十分認真地模仿，不過以模仿友台藝人來製造話題也不是一件好事，只會令人更加討厭，又已經預視到TVB早前指會參考《全民造星》把藝員訓練班真人騷化，就應該會有更多的「姜濤影子」出現。