《愛回家》熊心如情路崎嶇,同朱天梯組新CP?

小眼睛看大娛樂 於 31/05/2019 發表 收藏文章
《愛·回家之開心速遞》當中有唔少CP檔,但隨住劇情發展,都已經開始穩定下來,如:「龔水CP」、,即使大小姐、輝輝,金城安、Bonnie,即使有「小三」、家庭嘅阻滯,但起碼都叫做有一個穩定對象!唯獨熊心如(蘇韻姿 飾)一直以來都係無一個穩定對象,只係一開始同被池子孝追求下,自己有想拍下拖,但二人好快就分手。到後來「天才聯盟補習社」嘅George「扮基」追心如,最後都事敗!

心如嘅角色感情長期處於空白期,唔通編劇真係忍心令佢情路一直崎嶇?

到尋晚嘅劇情,心如感情應該就有眉目喇!心如喺根叔嘅安排下參加列堤頓道社區中心的興趣班,希望心如可以喺班上結識心儀嘅男生,結果佢就喺烘焙班遇上負責代課嘅「TT」朱天梯(早前二人已經因為補習社被控告而交過手),唔通佢就係心如嘅真命天子?


喺整麵包嘅過程中,TT指心如無耐性整麵包,又試食佢所整嘅失敗作,二人不停鬥氣!



小編認為TT係合適心如係有兩個原因,就係:時機、性格。畢竟角色設定下,心如係一個只識讀書嘅女仔,經過拍拖、空白期等感情狀態下,自然就摸索到何謂對的人。另外,TT牙尖嘴利,對心如嚟講就好似讀書、考試一樣充滿挑戰,簡直係合乎心如嘅喜好呢!

Ref: TVB

如果喜歡我們的文章,請即分享到︰

標籤: 愛回家  熊心如  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→