《愛回家》安仔龔水變身 Rapper,出番外篇滿足觀眾

小眼睛看大娛樂 於 12/05/2019 發表 收藏文章
如果大家同小編一樣都係處境劇《愛·回家之開心速遞》粉絲的話,應該都會記得早前劇中一集「Hip Hop耆兵」,根叔(劉丹 飾)、龍敢威(羅樂林 飾)、譚道德(陳榮峻 飾)、馬豹(黎彼得 飾)組成「大四喜」,大唱Rap歌,一句「乜嘢叫做IG我哋唔知 」Rap到街知巷聞,熱爆社交平台!當時唔少網民、劇迷都希望「大四喜」可以出道,又或者可以用嚟做劇集進題曲,可惜暫時都未有進一步消息呢!

但尋晚TVB就播出一段全新Rap 歌,喺片段中有龔水CP(呂慧儀、張景淳)、輝蓮CP(許家傑、林淑敏)以及「安仔」周嘉洛、「朱凌凌」吳偉豪、「啊壯」焦浩軒,各大人氣角色齊齊Rap 出譜上新歌詞嘅「大四喜」成名作《乜嘢叫ig其實我地唔知》!


「水水」呂慧儀都有將片段上載至社交網站,表示觀眾可以喺星期六都可以睇到《愛‧回家》眾人。唔少留言都指佢地嘅Rapper打扮幾型,又大又讚歌詞到位,如:「Hey 乜嘢叫做生活我哋梗知 」、「日日搏命做 周末一齊放鬆d」等。



喺片段最後部份,眾人有齊齊話5月18日見,而呢一個其實就同《愛‧回家》一至五嘅播出無關,只係一個叫做《Park Yoho週末速遞》嘅節目,只係借助角色來推銷樓盤嘅節目呢!
有網民睇完呢一段預告片段後,表示擔心過於「Hard-sell」嘅問題:


小編覺得可以喺周末都睇到《愛 ‧ 回家》一眾演員嘅演出都係一個唔錯嘅事,起碼都真係可以笑下,又令星期六所播放嘅節目更加多元化,話唔定反應好有可能會令《愛‧回家》有機會「破例」播埋星期六呢!

Ref: Instagram

如果喜歡我們的文章,請即分享到︰

標籤: TVB  愛‧回家  開心速遞  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→