【愛回家】大小姐炮製世界級美食,輝輝夠膽唔食?

小眼睛看大娛樂 於 06/03/2019 發表 收藏文章
尋晚一集《愛回家》就講到輝輝(許家傑 飾)成功成功儲到60萬,可以成功頂讓酒吧......但小編覺得今集嘅重點就係大小姐(林淑敏 飾)嘅《小蓮廚房》(小編自己改~),每一道由小蓮親手炮製出來嘅菜式都係「世界級」,完全拍得住節目《美女廚房》嘅質素!


由於大小姐唔記得咗開著電飯煲,所以生米依然係畀水浸住,令到輝輝無飯食。但呢一樣只可以講係身為「上等人」嘅大小姐係唔識得用電飯煲(「自動電飯煲」都係要用人手去閞著個掣~~)。

跟住輝輝就索性話「咁食餸好啦」,點知大小姐就索上成檯精心準備嘅「美食」:

1) 「沙律」菜

大小姐將沙律醬唧上菜芯上,仲話:「我諗住好似凱撒沙律咁整......」,輝輝就苦笑話:「下次都係傳統炒好喇!」

2)「砧板」肉餅

事緣大小姐整肉餅嘅時候,因為太過用力,而將砧板嘅缺口都混埋落肉餅當中,好在輝輝食第一口嘅時候已經發現,如果唔係就咬甩牙喇!



3)「有鱗」魚

到開始食魚時,又再次出事!因為大小姐喺蒸魚前無將魚鱗刮走,仲要無將魚嘅 一大串內臟拎走,只係真係將原條魚未處理過就蒸。大小姐仲天真咁講:「我只係將條魚切開一半」,認真原汁原味啊!

輝輝忍唔住口話:「魚並唔係咁索煮......」



輝輝最後都話:「不如叫發記外賣......」

睇完今集,小編覺得小蓮都仲係脫離唔到「大小姐」呢個身份,但都見到佢係有努力,嘗試過住比較「貼地」嘅生活,但都見佢係有努力過,同埋「沙律X菜芯」又真係幾有創意,至少煮得熟先喇!

Ref: TVB


如果喜歡我們的文章,請即分享到︰

標籤: 愛回家  林淑敏  許家傑  TVB  劇集  開心速遞  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→