《愛回家》劇組澳門拍外景,"博士"現身合照"正式回歸"?

小眼睛看大娛樂 於 10/04/2019 發表 收藏文章
TVB處境劇《愛•回家之開心速遞》收視理想,打造一對又一對CP嘅同時,都曾經令秦博思(馬貫東 飾)、林美香(謝芷倫 飾)「分手」(因為二人當時因為要拍攝另一套劇集)。

但今日「三姨」蘇韻姿就喺Instagram 限時動態上分享一組劇組大合照,除咗有佢、「安仔」周嘉洛、「朱凌凌」吳偉豪外,仲有喺相中前方位置嘅「博士」馬貫東啊!而「打卡」嘅餐廳就正正位於澳門,推斷就應該係拍攝幾位年青演員喺澳門玩嘅部份。


再細睇,發展相中又有劇中嘅澳門大學生角色「氹仔」(即係早前同「港女安」搶朱凌凌果位啊!)

又有幾位主要角色,仲要係喺澳門外景,咁多巧合因素,應該唔係大家「撞到」咁簡單掛?

即使「博士」早前曾經喺訪問中透露當完成《致所有愛過的人》拍攝後,會有可能回歸《愛回家》劇組拍攝,但消息仍然有待證實。

但其實「博士」即使無喺劇中出現,但片頭一直都無換過新,依然有博士完美融入「熊家」當中呢!所以又唔係真係如一部份傳聞所指嘅「博香CP」被踢出劇組嘅.......

Ref: Instgram

如果喜歡我們的文章,請即分享到︰

標籤: 愛回家  馬貫東  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→