張敬軒收"Iphone"做禮物,何韻詩贈慶話佢"正懵炳"!

小眼睛看大娛樂 於 11/04/2019 發表 收藏文章
歌手「軒仔」張敬軒今朝喺Instagram上分享一份粉絲送嘅禮物,直言呢件事可能要上埋《警訊》,要提醒世人唔好再犯同樣嘅錯誤!

事緣軒仔早前喺新碟簽唱會上收到粉絲所送贈嘅"一盒"iPhone,本身軒仔執屋時搵翻份禮物時都好內疚,覺得「啲歌迷成日都咁破費,搵個錢唔容易,真係有我心」,既然粉絲咁有誠意,軒仔就拆開呢一個iPhone 盒......

loading

然後就發現盒內裝住嘅係完整無缺嘅8粒金莎朱古力,仲用咗卡紙分成8格,十分整齊,仲要附上鐵板增加重量,令呢盒iPhone嘅還原度更加高!

「有仇不報非軒仔」(?) 軒仔仲post 出呢個表情,講笑地用Hashtag 表示要向粉絲們大報復!#我話你知我班fans真係食腦㗎 #正所謂有仇不報非君子 #你哋班嘢你ting住下次買碟收隻光酥餅喇你哋


唔少歌手朋友都有留言安慰呢一位「苦主」,「啊Sa」蔡卓妍話都係一番心意,但何韻詩就「突破盲腸」,表示「無咗封膠你都收,正懵炳。」


不得不讚賞呢位粉絲嘅創意,係有心搏關注,定真係環保達人要送份「驚喜」畀軒仔呢?但又提醒我地收禮物前要小心,要小心睇下包裝......

Ref: Instagram



標籤: 張敬軒  iPhone  

留言


請按此登錄後留言。未成為會員? 立即註冊
    快捷鍵:←
    快捷鍵:→