張振朗留言賀楊明出土成功,回顧倉底劇成功例子!

小眼睛看大娛樂 於 14/05/2019 發表 收藏文章
TVB 9點半檔嘅全新劇集《婚姻合伙人》,由楊明、高海寧首次擔大旗外,其實呢套仲係一早已經拍完嘅劇集,等足2年,終於可以重見天日同一眾劇迷見面呢!

作為男主角嘅楊明都有喺社交平台上劇集花絮照,相中有高海寧、已經「離巢」嘅黃淑儀,三人興奮合照,看似合作得十分愉快呢!


受到「安心事件」拖累嘅張振朗,早前喺劇集《堅離地愛堅離地》首當男一,又有另一套劇集《牛下女高音》,後者已經有重拍嘅消息,但前者都仲係未有進一步嘅消息,又未有播出日期,相信好大機會都係未能播出。

張振朗喺帖文下留言指楊明嘅相已經「收埋」咗3年(相信佢都希望自己有呢一日)


其實有份參演一些播映無期嘅「倉底劇」,係唔係又直接等同於死路一條呢?以下就有3套屬於TVB倉底劇嘅成功例子,2套劇集題材各異,又唔一定有大卡士座陣,但同樣叫好又叫座,仲成功喺頒獎禮中大獲獎項,又得到唔少劇迷、網民的熱愛!

《天與地》(2011年)

被網民稱為「神劇」的《天與地》,即使由林保怡、陳豪、佘詩曼、黃德斌及邵美琪主演,但都由2009無綫節目巡禮劇集之一,延至2011年尾嘅「炮灰期」先播出。劇集大玩食人「重口味」劇情,又滲入政治、社會、宗教等元素。到最後喺TVB「一人一票」賽制下,事隔一年後奪得「最佳劇集」,片尾曲《年少無知》更唱到街知巷聞,成為2012 年叱咤樂壇我最喜愛的歌曲大獎!


《巾幗梟雄》(2009年)

有指本來不在2009年播放檔期內,但「珍姐」 曾麗珍出手令佢從倉底重見天日!劇中最令人印象深刻嘅應該唔少得柴句口頭禪「人生有幾多個十年?」劇集當年最高收視47點,鄧萃雯、黎耀祥仲成為萬千星輝頒獎典禮2009年嘅視帝、視后,全劇更一共奪得6個獎項,絕對係倉底劇中的表表者!


所以話......如果有好劇本、好拍檔,做倉底劇都唔一定慘淡收場呢!

Ref: Instagram、TVB

如果喜歡我們的文章,請即分享到︰

標籤: TVB  張振朗  楊明  倉底劇  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→