【宿命?】李施嬅入圍角逐「加拿大奧斯卡」!同期仲有邊個未上「神檯」?

小眼睛看大娛樂 於 10/02/2019 發表 收藏文章
最近有份喺《荷李活有個大老千》飾演「瑪利蓮」一角嘅李施嬅,其中一場喺15秒連擺21個性感甫士嘅場口,旋即打破呢套劇比較悶、既有嘅局面,仲令大家記起「原來李詩韻(原名)做戲幾好睇嫁!」、「睇佢斯斯文文,原來都可以做到咁生鬼⋯⋯」

但大家又記唔記得2003年奪香港小姐「最上鏡小姐」、「才藝小姐」而入行嘅施嬅,係有一個獎係未拎過嘅呢?無錯,就係TVB所頒發嘅視后獎項(甚至TVB所頒嘅女配角獎、飛躍獎都未拎過)!



翻查紀錄,施嬅喺2012年、2014年至2016年,都分別獲頒星和無綫電視大獎、TVB 馬來西亞星光薈萃頒獎典禮嘅飛躍進步、角色獎。施嬅喺星、馬頒獎禮都拎過獎,就單單喺TVB自家嘅戲劇頒獎禮未獲頒獎項,唔通真係演技未到家、同時期對手太強定抑或係李施嬅嘅宿命?


但近呢幾日,傳出一大喜訊,就係李施嬅憑住加拿大劇集《Blood And Water》(第三季),獲提名《加拿大影視獎》(Canadian Screen Awards)最佳女配角,呢個頒獎典禮仲被稱之為加拿大版奧斯卡,威水威水!

自2017年憑《Once More》奪得European Cinematography Awards、Los Angeles Film Awards「最佳女演員」後,李施嬅再下一城,有望再次揚威海外,佢都有馬上喺社交平台同大家分享呢個開心消息!唔少網民都留言爲佢打打氣!

「想同大家分享一個今日收到嘅喜訊。
無論結果係點都已經好感恩。
#當努力後有成果特別開心
#香港其實有好多好演員 @thecdnacademy」


其實施嬅都曾經喺節目《胡說八道真情假期》中感慨身邊好姊妹(胡杏兒、胡定欣等等)都得過獎,自己就仲等緊機會⋯⋯所以難怪佢再被提名獎項係幾咁興奮!



再睇翻同施嬅差唔多年紀、背景嘅女演員,又有邊個未奪過獎呢?

趙希洛 (36歲)

傅嘉莉 (34歲)


高海寧(32歲)


楊秀惠 (34歲)


小編就覺得以上呢幾位都有樣、有身材,絕對合曬女主角要求,可惜一直未有一個表現到自己嘅角色,加上面對著一堆年青女角嘅加入,真係可以隨時再等都未有機會拎獎呢!又或者去拍個《三日兩夜》谷一谷人氣?

Ref:Instagram

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→