宣萱擔任迪士尼Marvel角色,網民笑指:「會唔會被綁架?」

小眼睛看大娛樂 於 21/03/2019 發表 收藏文章
香港迪士尼樂園Facebook 專頁今日又再發放有關於3月31日開幕的「蟻俠與黃蜂女:擊戰特攻!」遊樂設施消息!官方公佈「Mall姐」宣萱會擔任總工程師Leslie (林樂詩)一角,以協助神盾局科技館,一齊用科技去保衛世界和平!

喺片段中,「總工程師」穿上一身神盾局制服,介紹自己會負責各項研發,包括「突擊」戰車和電磁脈衝槍等.......




宣傳片段推出後,就有網民喺專頁中留言,擔心宣萱會唔會成為第一位被綁架嘅神盾局職員呢!


其實呢個懷疑確實又唔係無道理嘅,因為宣萱一直都因為喺劇集中多次被綁架而「稱霸」討論區,仲曾經有一個講法係「有宣萱嘅劇,就一定有綁架場口」呢!翻查記錄,有「人質王」稱號嘅宣萱一共被綁架達
24次,時裝劇、古裝劇集通通都走唔甩!第一次就係1996年的《餐餐有宋家》,到2012年嘅《飛虎》都一樣避唔過「綁架」嘅命運。


小編相信園方既然邀請得宣萱擔任呢個角色,應該都係欣賞佢充滿「女強人」味道,果份霸氣、硬朗,又唔係人人都有。希望呢位「總工程師」可以平安無事喇!




如果喜歡我們的文章,請即分享到︰

標籤: 宣萱  香港迪士尼  Marvel  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→