《守護神之保險調查》播歌定查案啊!《越難越愛》終於有對手喇!

小眼睛看大娛樂 於 02/02/2019 發表 收藏文章
「媽啊!又播!煩唔煩啊!一集劇起碼播4次首歌!」

呢個就係小編對於TVB劇集《守護神之保險調查》(下稱《守護神》)既真實睇法。


平時嘅劇集歌即使係幾洗腦,都唔會真係播到好多次,至多一兩節中間播一兩句「無懼世事變改 還是越難越愛 為你所以在期待」就算,但小編發現呢一套《守護神》一節15分鐘嘅劇情離譜到可以播足2次副歌,2 X 4 ,即係最高峰可以播到成8次,再加埋片頭同片尾,即係有機會播到成10次。

小編都懷疑緊自己係睇MV定睇緊劇集啊!所以決定進行一場《守護神之「播歌」調查》!

呢套劇嘅主題曲、插歌都有以下嘅幾條罪:

1) 播得太多、太密

曾經睇過一節可以播歌播2次(係比較後期嘅集數),有片有真相!呢一段係講到小杜(劉心悠 飾)幾經辛苦終於搵番失縱8年嘅男朋友,照常理應該都係兩位講下野,但從呢一段4分幾鐘嘅片段當中,已經播咗2次歌,計埋音樂,播咗成3分鐘,播到成個mv咁,係唔係路啊⋯⋯


2) 一首歌有2個版本

香港普遍嘅劇集都係片頭、片尾,再加一首插曲嘅套路,《守護神》一樣都係咁咁,但因為同內地合拍,結果3首歌都有廣東話同國語2個版本,即係一共6首。一時又播廣東話,一時又播番國語,好暈啊!聽到人頭都大埋!

主題曲粵:世世
國:真相

片尾曲粵:守護人
國:守護英雄

插曲
粵:靈魂伴侶
國:另一種開始

3) 歌詞老套

就算係一首好好聽嘅歌,瘋狂、密集式出現都會成為一首TVB式煩膠歌(小編真心覺得《愈難愈愛》本身係幾好聽)。但就咁睇番歌詞,都覺一陣老套味滲緊出嚟!好似呢2 首廣東話版嘅部份歌詞:

Alin 主唱嘅主題曲:「命運若是 三千場福禍 但願路上 再次愛過」

坤哥主唱嘅片尾曲:
「未信神 但信人 善的心
要信什麼 當惡運步近
有翅膀 未振奮
有志願 未展伸
烽煙四起 存活已萬幸」

4) 扮韓風嘅曲式

小編真心覺得Alin唱嘅主題曲好有韓劇《太陽的後裔》嘅歌曲《You are my everything》有幾分似,可能係因為兩首歌都有加句英文歌詞有關啦!

《守護神》主題曲粵:世世

相信嗎 不用怕
你的星閃於我心中
I’ll Remember Who You Are


《太陽的後裔》
Gummy 《You are my everything》



網民有話兒!



唔係話播歌唔好,但播得嚟都係要適可而止!《守護神》畀小編嘅感覺就係係又播唔係又播,其實編劇可唔可以寫多幾句有用嘅對白,咁就唔洗單單用首歌去支撐一整場戲,真係似睇mv男女主角多過電視劇男女主角啊!同埋你估你係韓劇嘅原聲帶咁好聽咩,韓劇Style套用落呢套劇﹐真係唔Work,一睇收視都知出曬事喇!有強勁陣容都無用,呢D配套真係有份令人覺得《守護神》係一套值得成為倉底劇嘅劇集!

Ref: YouTube


如果喜歡我們的文章,請即分享到︰

標籤: TVB  劇集歌  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→