《婚姻合伙人》現強姦情節,高海寧再現身連登「劇透」?

小眼睛看大娛樂 於 04/06/2019 發表 收藏文章
事前一直因為倉底劇,而不太被觀眾睇好嘅《婚姻合伙人》最近出現「大暴走」劇情,事關喺劇中飾演「貝競枝 Kimchi」嘅高海寧,為咗唔希望老公Gus(楊明 飾)為囡囡Wing Wing 誤認邢呇(黃德斌 飾)係爸爸而耿耿於懷,所以就直接去搵對方當面講清楚,表明自己覺得親情先係最重要「我係一個好貪錢嘅人,但如果錢都打動唔到我,你應該明......」,邢呇驚覺自己被瞞騙、又唔服輸,一怒下就強姦Kimchi。其後,Gus又正正接載囡囡去搵Kimchi,仲畀佢見到Kimchi喺路邊服食緊急避孕丸。


而慘遭強姦嘅Kimchi 就匿埋喺洗手間,一邊整理自己嘅妝,一邊對鏡「催眠」,「你要記住,呢個世界無人理黑定白.......只會理荀唔荀,依家反面只會一鋪清袋」、「如果依家一時衝動,第時咩都無曬,你只會好憎你自己」

尋晚一集播出後,不少網民都為Gus嘅遭遇而感到可憐,指對方一直喺Kimchi 身邊守候,而且又為對方坐過監,到頭來又唔可以名正言順做囡囡嘅爸爸,仲要目睹對方食緊急避孕丸。

擁有「連登ac」嘅高海寧見大家熱烈討論,就再度以「sammkoling 」回應大家,仲疑似有少少「劇透」意味呢!


小編都認同即使話喺愛情世界當中,唔一定存在付出同收獲成正比,但見到呢一場「戲」都未免太可憐了!唔知大結局時嘅Kimchi係唔係都真係可以保持對Gus嘅愛、尊重呢?

Ref: TVB

標籤: 高海寧  婚姻合伙人  

留言


請按此登錄後留言。未成為會員? 立即註冊
    快捷鍵:←
    快捷鍵:→