嘉欣BB約溏心班底聚會,網民:Sa姨、管家仔呢?

小眼睛看大娛樂 於 28/04/2019 發表 收藏文章
鍾嘉欣(Linda)近日喺加拿大返嚟香港一段時間,可能係知道大家好掛住佢過往嘅劇集角色,就約埋一眾以前合作過劇集《溏心風暴》嘅演員見面!嘉欣BB帶埋囡囡Kelly、囝囝Jared同「鮑飽」夏雨、「大契」李司棋同埋「莉姨」米雪食飯,仲嚟張溫馨合照。

嘉欣都有喺社交平台上用英文撰寫長文,可見佢都相當興奮、開心,表示好幸運能夠同呢3位咁出色嘅前輩工作,感恩幾位教識自己好多關於做戲嘅知識⋯⋯


嘉欣分享靚相後,唔少粉絲、網民都紛紛喺留言中提到《溏心風暴》、《溏心風暴之家好月圓》嘅角色名,表示希望可以再見到加埋「Sa姨」關菊英、「管家仔」林峰嘅合作呢!有份參與劇集嘅陳法拉都有留言,表示掛住大家!

如果講到要重現經典,小編就覺得《溏心4》嘅成數就唔太高,畢竟「大換血」嘅《溏心3》(嘉欣當時有獻唱英文插曲)都已經被指劇情老套,但相信大家應該都係想睇《溏心》系列嘅一班老中青演員再度合體,或者原班人馬再合拍新劇,反應可能會更好呢!

Ref: Instagram

如果喜歡我們的文章,請即分享到︰

標籤: 鍾嘉欣  TVB  溏心風暴  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→