唱歌唱到流牙血?爆笑演唱會海報集合

小眼睛看大娛樂 於 10/01/2019 發表 收藏文章
歌手許廷鏗(Alfred)嘅首個紅館演唱會Poster終於曝光!事前鏗鏗都話過呢張Poster同「初夜」感覺好似,仲表示未見過自己可以咁性感!唔通真係想提大家「記住要共最美的人分享每個夜晚」(《青春頌》歌詞)?

但一睇見張Poster,小編真係哈哈大笑。做咩事好似「流牙血」咁!如果鏗鏗係想貼近翻演唱會主題同「牙醫歌手」嘅身份,可以話絕對值100分!


除咗呢一張驚為天人嘅海報,以下仲有幾張爆笑嘅演唱會海報。一於同大家回味一下!

張敬軒《Hinsideout演唱會》

嘩!嘩!嘩!係被火燒頭髮嘅軒仔啊~~~呢個造型又幾符合鐘意試新事物嘅軒仔,下次會唔會考慮燒下其他嘢呢?


薛家燕《The Sound of Nancy 薛家燕愛你無限60年演唱會》

「等Captain Nancy拯救......」家燕姐同團隊都十分「貼地」,化身Captain Nancy 拯救地球!一身胄甲上鑲有大量寶石,十足十女版雷神一樣!



容祖兒《容祖兒1314演唱會》

容祖兒(Joey)當年突破性感底線,化身性感女神,舉行跨年演唱會。著上白色bra-top,配上鮮豔大紅唇,真係令人流曬鼻血啊!


同場加映:

提起經典爆笑嘅CD Cover,點少得Janice衛蘭2009年嘅精選唱片封面《Wish》呢!Janice以倒三角高難度瑜伽動作,極度騎呢!連Janice自己都曾經post 過十分相似嘅雕塑上社交平台,都引起極大迴響!

如果喜歡我們的文章,請即分享到︰

標籤: 演唱會  爆笑  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→