【咁絕?】洪永城有諗過幫手買姑婆屋? 係死黨先講得出口!

小眼睛看大娛樂 於 09/02/2019 發表 收藏文章
洪永城(Tony)尋日喺Instagram 上post 出帖文:

「識你咁耐,今次唔講衰嘢喇。等咗你咁多年終於收到你嘅利是,果陣仲以為一世都冇咁嘅機會,我仲曾經諗過儲錢俾你買姑婆屋,不過而家又識煎蘿蔔糕,咁難煎嘅嘢都俾你煎到,真係好難得、又識洗碗,又有一件燒腩肉照顧你,咁我就放心啦。恭喜你找到人生旅程入面找到一個好好嘅旅伴。#旅遊拍檔」

Tony 所講嘅「你」咪就係上年同蕭正楠姑婚嘅好朋友黃翠如!


Tony 嘅文字中流露出傷感,又充滿對好朋友嘅祝福,覺得自己終於唔洗再膽心,唔洗再準備幫手買姑婆屋喇!

其實Tony一直同翠如喺節目、劇集上都合作無條間,私底下又老友鬼鬼,經常毫無顧忌咁講出唔少啜核說話,互踏、互彈,真係唔驚對方嬲,咪就係真 ‧ 朋友!

當時蕭正楠、黃翠如喺TVB頒獎典禮上公佈已婚,當時Tony 就係同觀眾同一時間得知,但佢都大方地話:「我無嬲」。認真唔話得啊!


講起翠如同Tony,又點少得呢一張行紅地氈嘅拖手相呢!


當時呢張相被瘋傳,同時有唔少人覺得翠如同Tony 先係絕配。

翠如都有就呢張相喺Instgram 作出回應:

難得有一次工作上的機會 黃翠如同洪永城手拖手。。。
隔左一兩日
見到張相
心中比微笑和流淚更多
我們都很想用所有的心去祝福大家 「 走完紅地氈 台上的路 希望你/妳走得更加好。」

小編覺得係要好熟好熟嘅死黨先可以咁無底線,無底線咁保護、支持住大家!但依家一個結咗婚,一個同女朋友甜甜蜜蜜,姑婆屋都用唔著囉!

Ref: Instagram



如果喜歡我們的文章,請即分享到︰

標籤: 黃翠如  洪永城  蕭正楠  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→