余德丞「爆喊」剖白昏迷經歷,網民:啲戲好唔掂!

小眼睛看大娛樂 於 11/06/2019 發表 收藏文章
尋晚播出由余德丞(Dickson)做主角嘅《如果這樣生活》,去到日本海士町感受「慢活」!Dickson在節目中先提到「突然」,「呢一刻你個心仲跳緊,下一刻你唔肯定」,然後就帶出自己曾經同曾經同死神擦身而過,即是自己上年踢足球後昏迷,更被送入深切治療部一事。

Dickson在節目中重提事件經過,「當時我喺球場踢波,覺得自己有點少少唔妥,所以踢咗一陣後就要求換人。出咗場邊就瞓,我相信我本身都係打算休息一下、閉目養神,以為飲啖水就會無野,點知一瞓就係兩日。」醫生指佢係心律不正,比正常心跳超出三倍有多,導致心臟唔可以正常運作而暈倒,醫生更叫Dickson家人做好心理準備。

後來節目就播出Dickson同小朋友玩棒球嘅場面,Dickson 又剖白醫生曾經指佢有可能要放棄做運動,當時佢心裡覺得好難受,然後就面向鏡頭流下男兒淚。


Dickson 邊喊邊講:「由小學開始我都已經鍾意做運動,所以我仲想喺球場上搏命,如果真係唔可以再踢,人生仲有咩意義呢?」

「但運動、生命間,都要選擇生命,要對自己、屋企人負責」


對於Dickson重提事件一幕,有網民就指佢不停在「消費」事件而搏上位,又指佢落淚一幕有「做戲」嘅成份!

小編就覺得節目每一集主題就係由藝人嘅自身經歷、故事做包裝,如果以Dickson出道年資唔多,可以講對生命、生活嘅體驗,應該除咗佢由前香港泳隊代表轉成藝人外,就係當年踢波後昏迷一事,所以都實在難免要重提。至於Dickson 係「真喊」抑或係為打造真人騷效果而喊,就住呢件生死關頭嘅事,真係咁重要嗎?

反而比較印象深刻係節目中Dickson 講到一句經常聽到嘅「人生變幻無常、變幻莫測」,何不趁住自己仲有力氣時去追尋自己希望擁有的生活呢?

Ref: TVB


如果喜歡我們的文章,請即分享到︰

標籤: 余德丞  TVB  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→