佘詩曼拍"一鏡到底"廣告,被指對白生硬、睇到好尷尬!

小眼睛看大娛樂 於 30/04/2019 發表 收藏文章
最近TVB、MyTV Super 又出現一個受大家留意嘅廣告。可能大家都會有睇過,就係由佘詩曼代言的護膚產品廣告,廣告全長1分20秒,採用一鏡到底嘅拍攝方式,廣告主要都係啊佘、蔣家旻(曾經喺劇集《天與地》扮演啊佘嘅年青版,角色名啊Yan)嘅對話,一開始二人就話:「嘩!啊Yan 大大話話成8、9年無見喇!」蔣家旻再話啊佘好似咁多年都無咩點變、無乜紋仲咁firm,啊佘就回應「我塊面裝左彈弓呀嘛,講笑咋」


然後,啊佘突然就話要去拎花茶,蔣家旻就再問「即係點?」直至廣告已經過咗一半時間,終於去到要介紹產品,啊佘:「其實想皮膚好d,要從源頭入手.......」
蔣家旻再問:「袋鼠?澳洲嗰啲呀?」啊佘回應話係袋鼠花呀!一輪對話後,廣告中嘅啊佘就提出要同蔣家旻自拍,仲話「話曬你都演過細個嘅我」.......


有網民就喺討論區上講起呢一個廣告,有正評、負評,「食晚飯見到兩次 已經覺得好煩厭」、「度橋班人唔覺有問題」,又有網民指整個拍攝氣氛唔係好自然,其中嘅部份對白,如:「我塊面裝左彈弓呀嘛,講笑咋」、「袋鼠?澳洲嗰啲呀?袋鼠花呀」就成為大家嘅笑柄,直指對白十分老套呢!至於正評方面,就有人表示欣賞廣告會用到一鏡到底......


小編基本上日日都有睇到呢一個廣告,本身都係覺得有佘詩曼就睇兩眼,點知都係好奇心影響下睇完,其實又無話好娘,只係覺得個廣告太過長,仲要中部份時間都係喺同一個位置講對白,有d似說教,確實係比較悶。(如果直接影啊佘飲花茶會唔會更加好?)而且,廣告中太多「突然」嘅地方,好似一開始就話大家好耐無見,中間講講下又話要去拎花茶,確實「睇到人好尷尬啊」!而小編最鍾意呢個廣告最後嘅部份,兩個「啊Yan」先selfie,然後再出現二人2009年、2019年嘅對比圖......點解?就係因為兩位喺《天與地》當中無同場出現過,依家終於可以「同框」喇!

Ref: Youtube



如果喜歡我們的文章,請即分享到︰

標籤: 佘詩曼  蔣家旻  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→