何猷君向奚夢瑤求婚成功,佈置反被笑娘爆唔浪漫

小眼睛看大娛樂 於 14/05/2019 發表 收藏文章
賭王何鴻燊一家又有喜事,四房梁安琪所生的三子何猷君尋晚向現年30歲中國超模奚夢瑤求婚成功,二人事後都有馬上喺微博上向大家分享喜悅呢!事前各方媒體都有指呢一場「世紀求婚」係何猷君用上個幾月時間準備,清空3層商場,又用上99999枝玫瑰、掛滿二人合照,極盡心思!


小編喺尋日呢一場「世紀求婚」,站喺旁觀者嘅角落,就已經覺得毫無驚喜可言!點解?

因為尋日下晝喺Facebook、微博上見到有唔少呢一場嘅場地相流出,如:現場由一片粉紅玫瑰拼砌成,仲有一座城堡上掛起「M」字旗(奚夢瑤英文名為Ming)。何猷君尋日下晝(即係求婚開始前)仲喺微博上留言:「哎……昨晚籌備到早上5點,幸好一回去就把小明(奚夢瑤)手機沒收了,不然一個多月準備的驚喜被你們全劇透。」


其實就算收咗手機都有可能會喺「唔口密」嘅朋友口中得知呢!定係呢個表面「唔係好驚喜」只係一個假象?

另一方面,求婚派對用Super Mario主題,蒙眼嘅「女主角」Ming換上皇冠頭飾、粉紅色公主造型,身旁又有Super Mario嘅角色伴舞,猷君更身穿黑背心向女友大唱謝霆鋒金曲《活着VIVA》,又用上LV求婚戒指盒,盒上有白色字寫上「小明,你覺得咱倆有可能在一起嗎?」附上Yes/No選項......


結果呢一連串佈置就被唔少微博、Faceboook 上的網民笑指娘爆、欠缺浪漫元素呢!


大戶人家嘅野,又點會咁易睇得透丫!但就真係好似睇緊電視劇會發生嘅情節一樣......

Ref: 微博

如果喜歡我們的文章,請即分享到︰

標籤: 何猷君  奚夢瑤  求婚  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→