【紅都面晒】【有片】陳庭欣「食燈籠玩月餅」；回顧容易調轉講錯句子、用語 精選

話說前晚《東張西望》，其中一part 講到馬鞍山利安村的鐵閘及木門設計有問題，形同虛設。主持陳庭欣與李潤庭就講舊時鄰里守望相助，陳庭欣就話自己細個同隔離屋好熟，「打羽毛球呀、食燈籠呀玩月餅呀」：
（對白Cap圖王影片）

今次陳庭欣一句「食燈籠玩月餅」，唔知大家事前有無聽過。因為有網民覺得好好笑之餘，亦另有網民指自己由細聽到大，就等於「大食夾抵件」、「無雀嘅腳仔」、「邊有魚唔食貓」、「拳頭咁大個沙煲」、「嘢可以亂講說話唔可以亂食」等等，都已經講到慣晒，甚至出處都唔確定。而以下幾句，同樣十分順口：

「老笠你個樣個人（個人樣）」
源自《破壞之王》，樂於助人搞到光脫脫的何金銀被警察問話：


「紫外線指數係高，強度屬於六！」
2007年5月無綫午間新聞，觀眾可能見到前主播黃大鈞最後的表情先恍然大悟：


「濕滑嘅司機，粗心大意嘅公路」
源自張麗瑾1989年歌曲《留給最愛的說話》，當中鄭丹瑞一段獨白：「可惜嗰個落雨嘅晚上，嗰條濕滑嘅公路，嗰個粗心大意嘅司機」（01:51）

紅都面晒
陳豪2005年《心花放》


「子烏虛有」、「明張目膽」
Tree Gun 同亞視一樣，曾經創新、領導潮流。