腦細你俾得我Claim錢就信我,唔好背後質疑我

抒文 於 26/10/2016 發表 收藏文章

打工仔打工有好多尷尬位,其中一樣就係同公司claim錢。
Claim錢,顧名思義就係我哋預先幫公司比左錢先,可以係車錢、可以係飯錢……同借錢一樣,之後公司要比返我哋。

正所謂欠債還錢,天經地義,更何況連繫公司同我哋嘅單位就係錢,唔講錢,唔通同公司講心?

但係同公司有錢銀瓜葛就預左好麻煩,對我哋黎講一分一毫都係錢,有時出job搭巴士,claim 2蚊5蚊,個別每次claim好樣衰,儲埋儲埋唔理個數又不可忽視,所以好多時都會選擇儲到一定數量先claim,一來省卻重覆申請手續嘅麻煩,二來可以唔好比人有錯覺覺得自己「雞毛蒜皮都要計」破壞形象。

自私講句打份工都係想賺錢,無理由幫公司出左錢先唔攞返咁浪漫。

所以有一次阿強攞住一堆claim單想話等腦細簽名,腦細先係左望右望,之後又皺起眉頭,十萬個表情換完又換。

終於佢回魂講左句:「呢度點解會咁貴?搭通宵的士?」

阿強:「腦細你唔記得左嗰幾日我哋team要趕工同等designer出圖咩?」

腦細:「哦又好似係……咁搭的士都可以選擇經東隧唔經西隧掛?西隧貴咁多……搭左成半個月,成日搭的士仲要搭咁貴係咪想增加公司支出?」

(阿強:「你要我哋OT左半個月仲好意思講我哋成日搭的士?」)

最近嗰句阿強當然無講出口啦,最多都係心裡面講幾句粗口……寶寶心裡很委屈,但寶寶不說嘛,打工仔,你懂的。

好彩腦細都有動筆簽名,D錢總算袋袋平安。

但阿強估唔到嘅係佢喺公司嘅pantry聽到腦細問其他同事阿強本身嘅工作量同能力,顯然係質疑阿強有無需要做野做到咁夜搞到要搭通宵的士。

「邊有人會特登拖長D野慢慢做搏的士搭……」阿強心想。

原來就算你點做「形象工程」都好,人哋要講你始終都會講。

有時最委屈嘅唔係同人解釋,而係解釋完簽埋名之後都係唔信你,仲要走去問其他人質疑你嘅能力,對阿強黎講,百辭莫辯同唔信任仲難聽過粗口。

如果喜歡我們的文章,請即分享到︰

標籤: 抒文  辦公室  小品  腦細  阿強  委屈  

留言

會員
我要評論
請按此登錄後留言。未成為會員? 立即註冊
  • 抒文
    抒文 於 28/10/2016 評論 NO. 1

    如果喜歡我的文章,歡迎follow我的facebook page~

快捷鍵:←
快捷鍵:→