惜食的伴侶

抒文 於 06/01/2017 發表 收藏文章

早前看到一個post是關於一對情侶食左一個價值103元嘅飯餐,因為女朋友食唔哂嘅關係,男友把吃不完的食物「打包」並讓她帶回公司當午餐,她責怪「男朋友咁做真係好cheap」。

曾幾何時我也覺得「打包」好寒酸,堂堂男人要把飯菜倒進盒子裡,好像顯得食量好細,所以寧願「夾硬」堂食食哂捧住肚走都不願「打包」。但人大了就明白食量會隨住年齡下降不可以勉強,加上開始學懂珍惜食物,慢慢覺得take away係一種美德。因為take away唔單止可以幫你保留食物唔會浪費,又可以慳埋下一餐飯錢,更可以解決埋你諗下一餐食咩嘅煩惱,絕對係一舉三得。

或者個女仔會覺得D野食唔算太貴只係值103個大洋,食唔哂仲要打包好核突,但其實呢個係環保意識問題,浪費食物絕對是錯,我哋唔應該因為食物價錢低就覺得唔需要環保,要知道這個世界有很多人吃不飽,甚至無得食,我哋能夠喺度自由揀食咩、食幾多、食幾貴已經好幸福,但呢個女仔竟然仲嫌棄。

而最可怕的是,佢竟然把整件事放到網上讓人討論,先不要說自己的思想品德歪曲了,你為什麼要在把自己的男朋友拿出來公開批評?男朋友願意細心幫你諗埋慳錢,女友不單不領情,還要影相放上網鬧。愛一個人是應該讓他/她避免受到傷害,而不是暗暗傷害對方,更何況讓對方不知情的情況下接受這樣的公審,也難怪讓人對某類害群之馬的香港女性感到心寒和反感。

或許你覺得人地呀姐望住你係笑緊你,但話唔定係欣賞你男朋友識得珍惜食物。找另一半不難,但找一個咁有衣食而且細心嘅另一半就不容易,千萬不要身在福在不知福,請好好珍惜。

如果喜歡我們的文章,請即分享到︰

標籤: 珍惜  抒文  環保  愛情  港女  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→